Kalki 2898AD: Ticket price hike for Kalki movie in Telangana.. How much per ticket?
Kalki 2898 AD : కలియుగం, పురాణాలు, కల్కి అవతారాలను లింక్‌ చేస్తూ ప్రపంచ వ్యాప్తంగా విడుదలైన సైన్స్‌ పిక్షన్‌ సినిమా కల్కి 2898 ఏడీ(Kalki 2898 AD). మొదటి రోజు బ్లాక్‌ బస్టర్‌ హిట్‌ టాక్‌ని సొంతం చేసుకుని దూసుకు వెళుతోంది. కలెక్షన్లను కూడా అదే రేంజ్‌లో సాధించింది. జూన్‌ 27న ప్రపంచ వ్యాప్తంగా విడుదలైన ఈ సినిమా..కలెక్షన్ల రిపోర్ట్‌ని సాక్నిల్క్‌(Sacnilk) విడుదల చేసింది. వరల్డ్‌ వైడ్‌గా మొదటి రోజు ఈ సినిమా రూ.180 కోట్ల గ్రాస్‌ వసూళ్లను సాధించినట్లు ఆ నివేదికలు చెబుతున్నాయి.
చదవండి : కల్కి మూవీ ఎలా ఉందంటే?
మొదటి రోజు అతి భారీ ఓపెనింగ్‌ కలెక్షన్లు సాధించిన మూడో చిత్రంగా నిలిచింది. ఇప్పటి వరకు ఆర్‌ఆర్‌ఆర్‌ సినిమా రూ.223 కోట్ల ఓపెనింగ్‌ డే కలెక్షన్లు సాధించింది. బాహుబలి రూ.217 కోట్ల కలెక్షన్లను సాధించింది. ఆ తర్వాత మూడో స్థానంలో కల్కి నిలిచింది. ఇక ఒక్క భారతీయ మార్కెట్‌లోనే మొదటి రోజు రూ.95 కోట్ల నెట్‌, రూ.115 కోట్ల గ్రాస్‌ సాధించినట్లు తెలుస్తోంది.
చదవండి : ప్రసాద్ మల్లీప్లెక్స్ వద్ద ప్రభాస్ బుజ్జి సందడి
తెలుగులో రూ.64.5కోట్లు, తమిళంలో రూ.4కోట్లు, మళయాళంలో రూ.2.2కోట్లు, హిందీలో రూ.24 కోట్లు, కర్ణాటకలో రూ.0.3కోట్లు వసూళ్లను రాబట్టినట్లు చెబుతోంది. నాగ్‌ అశ్విన్‌ దర్శకత్వం వహించిన ఈ సినిమా వైజయంతీ మూవీస్‌ బ్యానర్‌పై తెరకెక్కిన విషయం తెలిసిందే. ప్రభాస్ హీరోగా నటించిన ఈ సినిమాలో అమితాబ్‌ బచ్చన్‌, కమలహాసన్‌, దీపికా పదుకొణె, దిశా పఠానీ తదితరులు ప్రధాన పాత్రల్లో కనిపించారు.
