nithiin extra movie join senior actor rajasekhar
యంగ్ హీరో నితిన్, క్రేజీ బ్యూటీ శ్రీలీల జంటగా నటిస్తున్న కొత్త చిత్రం ఎక్స్ ట్రా(EXTRA). ఈ మూవీని నితిన్ తన సొంత బ్యానర్ లో తెరకెక్కిస్తున్నారు. ఈ చిత్రానికి వక్కంతం వంశీ దర్శకత్వం వహిస్తున్నారు. కాగా ఈ మూవీ నుంచి తాజాగా ఓ పాటను విడుదల చేశారు. భారీ బడ్జెట్ తో నిర్మితమవుతున్న ఈ సినిమా నుంచి తాజాగా ఓ విషయం బయటకు వచ్చింది. ఈ మూవీలో యాంగ్రీ మ్యాన్ రాజశేఖర్(rajasekhar) నటిస్తున్నారట. ఆయన పాత్ర కూడా చాలా కీలకంగా ఉంటుందని తెలుస్తోంది. మరి ఆయన రోల్ మూవీకి ఎంత ప్లస్ అవుతుందో చూడాలి.
The Most Celebrated Angry Man of Telugu Cinema and the epitome of versatility #Rajasekhar garu has set foot on the sets of #ExtraOrdinaryMan #ExtraOrdinaryManOnDec8th#EXTRA https://t.co/whv3xEEoWs pic.twitter.com/Rx5ltlk7JF
— idlebrain.com (@idlebraindotcom) October 16, 2023
ఇదిలా ఉండగా కొద్ది రోజుల క్రితం ఈ మూవీ నుంచి ‘డేంజర్ పిల్లా పిల్లా’ అనే ఫుల్ సాంగ్ ను రిలీజ్ చేశారు. ఈ పాట లొకేషన్స్ చాలా అందంగా ఉన్నాయి. నితిన్, శ్రీలీల జోడి కూడా చూడటానికి బాగుంది. పాట మొత్తం విదేశాల్లో తెరకెక్కించినట్లు తెలుస్తోంది. “అరె బ్లాక్ అండ్ వైట్ సీతాకోక చిలుకవా..చీకట్లో తిరగని మిణుగురు తళుకువా” అంటూ పాట సాగింది. హరీష్ జైరాజ్ మ్యూజిక్ అందించారు. ఈ పాటను కృష్ణకాంత్ స్వరపరచగా, అర్మాన్ మాలిక్ అద్భుతంగా పాడాడు.
కాగా ఈ మూవీలో ఈ పాటకు శేఖర్ మాస్టర్ కొరియోగ్రఫీ చేశారు. శేఖర్ కొరియోగ్రఫీ ఎలా ఉంటుందో స్పెషల్ గా చెప్పక్కర్లేదు. దానికి తగినట్లు నితిన్ కూడా డ్యాన్స్ ఇరగదీశాడు. ఈ మూవీ షూటింగ్ శరవేగంగా జరుగుతోంది. ఈ మూవీని ఈ ఏడాది డిసెంబర్ 8న ప్రేక్షకుల ముందుకు రానుంది. ఇదిలా ఉండగా నితిన్, వెంకీ కుడుముల దర్శకత్వంలో ఓ సినిమా తెరకెక్కుతోంది. ఆ సినిమాలో మొదట రష్మికను హీరోయిన్ గా తీసుకున్నారు. కొన్ని కారణాల వల్ల ఆమె ఈ మూవీ నుంచి తప్పుకోవడంతో ఆ స్థానంలోకి శ్రీలీలను తీసుకున్నట్లు ప్రచారం జరుగుతోంది. అదే నిజమైతే, వీరి కాంబినేషన్ లో బ్యాక్ టూ బ్యాక్ రెండు సినిమాలు రానున్నాయి.
ఇది కూడా చూడండి: Parineeti Chopra: భర్తను వదిలేసి మాల్దీవ్స్ వెళ్లిన పరిణితి చోప్రా..అసలేమైంది?
