Naga Vamsi said No change in the release date of Leo telugu movie
హైదరాబాద్ కోర్టు మంగళవారం సినిమా తెలుగు లియో(leo) వెర్షన్‌పై అక్టోబర్ 20 వరకు తాత్కాలిక నిషేధాన్ని జారీ చేసింది. ఈ చిత్రం అక్టోబర్ 19న ప్రపంచవ్యాప్తంగా పలు భాషల్లో ప్రేక్షకుల ముందుకు రావడానికి సిద్ధమవుతోంది. ఈ క్రమంలో సినిమా విడుదల తేదీ మారితే సినిమా ఓపెనింగ్ డే కలెక్షన్లపై గణనీయంగా ప్రభావం ఉంటుంది. ఇండస్ట్రీ వర్గాల సమాచారం ప్రకారం లియో టైటిల్ తమ యాజమాన్యం అంటూ ఒకరు కోర్టులో పిటిషన్ వేయడంతో వివాదం మొదలైంది.
#LeoTelugu : Sithara Naga Vamsi Clarification
“We are trying to sort out the Title issue mutually. Release will surely happen as it is on 19th!” https://t.co/4CeiikrZeD pic.twitter.com/EuWVDS1z5G
— AndhraBoxOffice.Com (@AndhraBoxOffice) October 17, 2023
అయితే ఈ అంశంపై తెలుగు రాష్ట్రాల్లో లియోని పంపిణీ చేస్తున్న సితార ఎంటర్‌టైన్‌మెంట్స్ నిర్మాత నాగ వంశీ(Naga Vamsi)స్పందించారు. అక్టోబర్ 19న అనుకున్న విధంగా తెలుగు రాష్ట్రాల్లో సినిమాను సజావుగా విడుదల చేస్తామని ఆయన విశ్వాసం వ్యక్తం చేశారు. తెలుగులో లియో టైటిల్ విషయంలో చిన్న పొరపాటు జరిగిందన్నారు. తమ టీమ్ అవతలి వారితో చర్చలు జరుపుతోందని, ఎలాంటి సమస్య లేకుండా అన్నీ సర్దుకుంటాయని ధీమా వ్యక్తం చేశారు. ఈ క్రమంలో లియో తెలుగు రాష్ట్రాల్లో అక్టోబర్ 19న విడుదల అవుతుందని నాగ వంశీ అభిప్రాయం వ్యక్తం చేశారు. ఈ హామీ నేపథ్యంలో తెలుగు రాష్ట్రాల్లోని కొన్ని సినిమా థియేటర్లు లియో తమిళం, తెలుగు వెర్షన్‌ల కోసం బుకింగ్‌లను మళ్లీ తిరిగి ప్రారంభించాయి.
ఇది కూడా చూడండి: Game changer: ఎట్టకేలకు..గేమ్ చేంజర్ సాంగ్ రెడీ!
