కమల్ హాసన్ పనైపోయింది.. అనుకుంటున్న సమయంలో వచ్చిన ‘విక్రమ్’ సినిమా.. కమల్ హాసన్‌కు ఉన్న అప్పులన్నీ తీర్చేసింది. ఇక వరుస ఫ్లాపులతో ఉన్న సూపర్ స్టార్ రజనీ కాంత్ ‘జైలర్’ సినిమాతో సాలిడ్ బౌన్స్ బ్యాక్ అయ్యాడు. వీళ్లే కాదు.. తమ తమ ఏజ్‌కు తగ్గట్టుగా సినిమాలు చేస్తూ, డార్క్ షేడ్ క్యారెక్టర్స్ అదరగొడుతున్నారు మళయళ స్టార్ హీరోలు. ముఖ్యంగా మమ్ముట్టి, మోహన్ లాల్ లాంటి వారు పాన్ ఇండియా లెవల్లో అన్నిభాషల్లో సినిమాలు చేస్తున్నారు.
చదవండి: OG కథ లీక్.. పవన్ ఫ్యాన్స్‌కు పండగే!
రీసెంట్‌గా మమ్ముట్టి పుట్టిన రోజు సందర్భంగా ‘భ్రమయుగం’ సినిమా ఫస్ట్ లుక్ పోస్టర్ రిలీజ్ చేశారు. ఇందులో మమ్ముట్టిని చూస్తే గుర్తు పట్టడం చాలా కష్టం. ఇదొక ప్రయోగాత్మక చిత్రం.. రాహుల్ సదాశివన్ దర్శకత్వం వహిస్తున్నాడు. కానీ మమ్ముట్టి లుక్ చూసి షాక్ అవుతున్నారు నెటిజన్స్. ఒక్క మలయాళీలే కాదు.. అన్ని భాషల వారు కూడా షాకవుతున్నారు.
చదవండి:Rules Ranjan: ‘రూల్స్ రంజన్’ ట్రైలర్ రిలీజ్.. ఎలా ఉందంటే?
బ్లాక్ అండ్ వైట్ థీమ్ ఫస్ట్ లుక్‌లో మమ్ముట్టి సరికొత్త అవతారం అదరహో అనేలా ఉంది. ఈ వయసులోనూ మమ్ముట్టి ఇలాంటి ప్రయోగాలు చేస్తుండడం విశేషం. ఈ ఏడాది చివర్లో ‘భ్రమయుగం’ రిలీజ్‌కు ప్లాన్ చేస్తున్నారు. అయితే మమ్ముట్టి, మోహన్ లాల్ వైవిధ్యమైన సినిమాలు చేస్తుంటే.. టాలీవుడ్ బడా హీరోల పరిస్థితి మాత్రం వేరేలా ఉంది. కామెడీ సీన్లు, నాలుగు కలర్ ఫుల్ సాంగ్, హీరోని ఎలివేట్ చేసే యాక్షన్స్ సీక్వెన్స్.. ఇవి ఉంటే చాలు సినిమా హిట్ అనే ఆలోచనలోనే ఉన్నట్టున్నారు.
