‘ఉప్పెన’ తర్వాత ‘శ్యామ్ సింగ రాయ్’, ‘బంగార్రాజు’ వంటి సినిమాలతో బ్యాక్ టు బ్యాక్ హిట్స్ అందుకుంది కృతి శెట్టి. దీంతో అమ్మడికి వరుస ఆఫర్లు తలుపు తట్టాయి. కానీ ఆ సినిమాలేవి కృతిని కాపాడలేకపోయాయి. ది వారియర్, మాచర్ల నియోజకవర్గం, ఆ అమ్మాయి గురించి మీకు చెప్పాలి వరుసగా ఫ్లాప్ అయ్యాయి. దాంతో ఒక్కసారిగా ఈ బ్యూటీకి ఆఫర్లు తగ్గిపోయాయి. ప్రస్తుతం అమ్మడి చేతిలో తెలుగులో ఒక్క సినిమా కూడా లేదు. రీసెంట్‌గా వచ్చిన నాగ చైతన్య ‘కస్టడీ’ సినిమా కూడా కృతికి ఆఫర్లు తీసుకురాలేకపోయింది. అంతేకాదు.. గతంలో కోలీవుడ్ స్టార్ హీరో సూర్యతో ఛాన్స్ అందుకున్నప్పటికీ.. క్రియేటివ్ డిఫరెన్సెస్ వల్ల బాలా, సూర్య ఆ ప్రాజెక్ట్‌ను మధ్యలోనే ఆపేశారు.
చదవండి: Venkat Prabhu: ‘కస్టడీ’ పోయినా స్టార్ హీరోతో ఛాన్స్!?
ఇలా కృతికి అన్ని విధాలుగా దెబ్బ పడుతునే ఉంది. అయినా కృతి శెట్టికి మంచి ఫ్యాన్ ఫాలోయింగ్ ఉంది. ఆమెకు చాలా మంది అభిమానులు ఉన్నారు. మరి కృతిశెట్టి ఎవరి అభిమాని? అంటే ఓ స్టార్ హీరోయిన్ పేరు చెప్పింది. తాజాగా ఓ ఇంటర్వ్యూలో త్రిష తన ఫేవరెట్ హీరోయిన్ అని చెప్పుకొచ్చింది. నాలుగు పదుల యవసులోను త్రిష టీనేజ్ అమ్మాయిలా.. 19 ఏళ్ల వయసులో తనకంటే చిన్నపిల్లగా కనిపిస్తోందని చెప్పింది. నిజమే కదా.. రీసెంట్‌గా వచ్చిన పొన్నియన్ సెల్వన్ సిరీస్‌తో త్రిష గ్లామర్‌కు అంతా ఫిదా అయ్యారు. అసలు త్రిష గ్లామర్ రోజు రోజుకు పెరుతుందా.. అనేలా ఉంది. అందుకే కృతి తన అభిమాన హీరోయిన్‌ను తనకంటే వయసులో చిన్నగా ఉందని చెప్పింది. అలాగే తనకు కాబోయేవాడు చాలా సింపుల్‌గా, నిజాయితీగా ఉండాలి.. కాస్త బొద్దుగా కూడా ఉండాలి.. అంటూ కృతి శెట్టి వెల్లడించింది.
