Kantara 2 with a huge budget... when will it be released?
Kantara 2: రిషబ్ శెట్టి హీరోగా, స్వీయ దర్శకత్వం వహించిన ‘కాంతార’ మూవీ భారీ విజయాన్ని అందుకుంది. దాంతో వెంటనే కాంతార2 ప్రకటించారు. ఆ సినిమా సీక్వెల్‌గా కాకుండా ప్రీక్వెల్‌గా రాబోతోంది. వీలైనంత త్వరగా కాంతార2ని ఆడియెన్స్ ముందుకు తీసుకొచ్చేందుకు రెడీ అవుతున్నారు మేకర్స్. ఇప్పటికే కాంతార2 కోసం పవర్ ఫుల్ స్క్రిప్ట్ రెడీ చేసే పనిలో ఉన్నారు. స్క్రిప్ట్ వర్క్‌తో పాటు కాస్ట్యూమ్, లోకేషన్ ఇతర ప్రీ ప్రొడక్షన్ పనులు కూడా వేగవంతంగా జరుగుతున్నాయి. ఇప్పటికే కోస్టల్ కర్ణాటకలో కొన్ని లోకేషన్స్‌ను ఫైనల్ చేశారు. త్వరలోనే ఈ సినిమా సెట్స్ పైకి తీసుకెళ్లేందుకు రెడీ అవుతున్నారు.
చదవండి: Ustad Bhagatsinghలో మరో యంగ్ బ్యూటీ ఫైనల్!
కాంతార సినిమా జస్ట్ 16 కోట్లతో తెరకెక్కింది. కాంతార 2ని మాత్రం అంతకు మించి అనేలా భారీ బడ్జెట్‌తో ఎంతో ప్రతిష్టాత్మకంగా తెరకెక్కించబోతున్నారు. ప్రీక్వెల్‌ కోసం ఏకంగా 125 కోట్ల బడ్జెట్‌ ఖర్చు చేయబోతున్నారట. కేవలం ప్రీ ప్రొడక్షన్ కోసమే 20 కోట్లు ఖర్చు చేసినట్లు తెలుస్తోంది. నవంబర్‌లో షూటింగ్‌ ప్రారంభించి.. ఆరు నెలలు షూటింగ్‌, ఆపై రెండు నెలలు పోస్ట్‌ ప్రొడక్షన్ పనులు పూర్తి చేసి.. వచ్చే ఏడాది సెకండ్ హాప్‌లో ఈ హిట్ ప్రీక్వెల్‌ను ఆడియెన్స్ ముందుకు తీసుకురావాలని ప్లాన్‌ చేస్తున్నారట. ఈ సినిమాలో కాంతారలో చూపించిన కథకు ముందు జరిగిన కథను చూపించబోతున్నాడు. ఇప్పటికే ప్రత్యేకంగా శిక్షణ తీసుకుంటున్నాడు రిషబ్ శెట్టి. మరి కాంతార2 ఇంకెన్ని వండర్స్ క్రియేట్ చేస్తుందో చూడాలి.
