పఠాన్ రికార్డ్స్ బ్రేక్ చేసేలా అదిరిపోయే వసూళ్లతో దూసుకుపోతోంది జవాన్. ఈ సినిమాతో ఇండియన్ బాక్సాఫీస్‌ని మరోసారి షేక్ చేసే పనిలో ఉన్నాడు షారుఖ్ ఖాన్. బాలీవుడ్ ఇప్పటివరకూ చూడని వసూళ్ల సునామీని చూపిస్తున్నాడు షారుఖ్. సెప్టెంబర్ 7న థియేటర్లోకి వచ్చిన ఈ సినిమా.. వర్కింగ్ డే, హాలీడే అనే తేడా లేకుండా బాక్సాఫీస్ దగ్గర ర్యాంపేజ్ సృష్టిస్తోంది. కేవలం నాలుగు రోజుల్లోనే 500 కోట్ల మార్క్ అందుకున్న జవాన్.. 6 రోజుల్లో 621 కోట్ల గ్రాస్ రాబట్టి సెన్సేషన్ క్రియేట్ చేసింది.
చదవండి: Pawan Kalyan: ఉన్నట్టుండి ట్రెండింగ్‌లో హరిహర వీరమల్లు.. ఎందుకంటే?
ఇలాగే ఉంటే.. ఈ వీకెండ్‌కి జవాన్ 1000 కోట్ల మార్క్‌ని రీచ్ అయ్యే ఛాన్స్ ఉంది. ఇక జవాన్ సినిమా కేవలం సౌత్‌లోనే వంద కోట్ల కలెక్షన్స్‌ని రాబట్టింది. తెలుగు-తమిళ్ జవాన్ వసూళ్లు భారీగా ఉన్నాయి. ఒక స్ట్రెయిట్ హిందీ సినిమాకు సౌత్‌లో వంద కోట్లు రాబట్టడం అంటే మామూలు విషయం కాదు. మొదటి సారి జవాన్ సినిమా ఈ రేర్ ఫీట్‌ అందుకుంది. దానికి కారణం లేకపోలేదు. ఈ సినిమాను కోలీవుడ్ మాస్ డైరెక్టర్ అట్లీ తెరకెక్కించాడు.
చదవండి: Vaishnavi Chaitanya: వైష్ణవి చైతన్యకు క్రేజీ ఆఫర్లు..?
హీరో షారుఖ్ ఖాన్, గెస్ట్ రోల్ చేసిన సంజయ్ దత్‌ తప్పా మిగిలిన వారంతా.. తమిళ్ యాక్టర్సే ఉన్నారు. హీరోయిన్‌గా నయన తార నటించగా.. విలన్‌గా విజయ్ సేతుపతి నటించాడు. ఇక యంగ్ మ్యూజిక్ సెన్సేషన్ అనిరుధ్ సంగీతం అందించాడు. అందుకే జవాన్ సినిమాకి సౌత్‌లో ఊహించని వసూళ్లను రాబడుతోంది. ఇక నార్త్‌లో అయితే జవాన్ కుమ్మెస్తోంది. ఏదేమైనా జవాన్ బాక్సాఫీస్ దగ్గర కాసుల వర్షం కురిపిస్తోంది.
