japan trailer released crazy looks in karthi
తమిళ్ హీరో కార్తీ(karthi) యాక్ట్ చేసిన తాజా చిత్రం జపాన్(japan). ఇప్పటికే ఈ మూవీ నుంచి వచ్చిన టీజర్ దీని అంచనాలను పెంచగా..తాజాగా ట్రైలర్ వీడియోను రిలీజ్ చేశారు. వీడియో ఓపెన్ చేస్తే పెద్ద సముద్రాన్ని చూపిస్తారనే డైలాగ్ తో మొదలవుతుంది. ఆ క్రమంలో హీరో తన తల్లి కోసం 10 ఏళ్ల వయస్సులో దోపిడీ చేయడం ప్రారంభించాడని చెబుతాడు. ఆ నేపథ్యంలోనే అతను మోస్ట్ వాంటెడ్ దొంగగా ఎలా మారడనే విషయాన్ని ప్రస్తావిస్తాడు.
ఆ తర్వాత కార్తీ(karthi) ఓ ప్రత్యేకమైన దొంగతనంతో పాపులర్ అవుతాడు. ఒక మంత్రి నివాసంలో 200 కోట్ల రూపాయల పెద్ద దోపిడీ జరుగగా..అందులో జపాన్ ప్రధాన నిందితుడిగా ఉంటాడు. ఆ నేపథ్యంలో దురదృష్టవశాత్తు, హీరో ఒక పెద్ద దోపిడీ, హత్య కేసులో ఇరుక్కుపోతాడు. ఆ తర్వాత పోలీసులు, విలన్ల చేజింగ్ సీన్లు, ఫైట్స్ ఉన్నాయి. అయితే ఆ నేరాలు చేసింది ఎవరు ? హీరోనే చేసాడా లేదా అనేది తెలియాలంటే సినిమా వచ్చే వరకు ఆగాల్సిందే.
రాజు మురుగన్ దర్శకత్వం వహించిన ఈ చిత్రంలో కార్తీ పూర్తిగా వినోదాత్మక పాత్రలో కనిపించాడు. అంతేకాదు అతని కామిక్ టైమింగ్ కూడా నవ్వులు తెప్పించింది. దీంతోపాటు కార్తీ ఈ చిత్రంలో డిఫరెంట్ గెటప్‌లలో కనిపించాడు. అను ఇమ్మాన్యుయేల్(anu emmanuel) కథానాయికగా నటించింది. సునీల్(sunil), విజయ్ మిల్టన్ కీలక పాత్రలు పోషిస్తున్నారు. జివి ప్రకాష్ కుమార్ స్వరాలు సమకూరుస్తున్నారు. డ్రీమ్‌ వారియర్‌ పిక్చర్స్‌ బ్యానర్‌పై ఎస్‌ఆర్‌ ప్రకాష్‌బాబు, ఎస్‌ఆర్‌ ప్రభు ఈ చిత్రాన్ని నిర్మిస్తున్నారు. జపాన్ చిత్రం తమిళం, తెలుగు, మలయాళం, కన్నడ భాషల్లో విడుదల కానుంది. అన్నపూర్ణ స్టూడియోస్ ద్వారా ఈ సినిమా దీపావళికి విడుదల కానుంది.
