'Hanuman' is another shock.. Is the OTT original? Or?
Hanuman: థియేటర్లో హనుమాన్ సినిమా ఎంత సంచలనంగా నిలిచిందో అందరికీ తెలిసిందే. కానీ అదిగో, ఇదిగో అంటూ డిజప్పాయింట్ చేస్తునే ఉంది జీ5 ఓటిటి సంస్థ. సంక్రాంతికి వచ్చి బాక్సాఫీస్‌ను షేక్ చేసిన హనుమాన్ సినిమాను.. థియేటర్లో మిస్ అయిన వారంతా ఓటిటి డేట్ కోసం వెయిట్ చేస్తున్నారు. అలాగే.. రిపీట్ మోడ్‌లో సినిమా చూడాలనుకుంటున్న వారంతా ఓటిటి డేట్ ఎప్పుడని అడుగుతునే ఉన్నారు. అయినా కూడా ఓటిటి రిలీజ్ డేట్ పై ఇప్పటికీ జీ5 సంస్థ క్లారిటీ ఇవ్వడం లేదు. కానీ హనుమాన్ ఓటిటి ట్విస్ట్‌లు మాత్రం మామూలుగా ఉండడం లేదు. ఓటిటి డేట్ రాకముందే.. హనుమాన్ హిందీ వెర్షన్ అప్పుడే టీవీ ప్రీమియర్‌కు రెడీ అయిపోయింది. ఓటిటి అప్డేట్ కోసం ఓ వైపు అభిమానులు వేచి చూస్తుండగా.. సడెన్‌గా హనుమాన్ మూవీ వచ్చే శనివారం మార్చి 16 రాత్రి 8 గంటలకు కలర్స్ సినీప్లెక్స్ ఛానెల్లో టెలికాస్ట్ కానుందనే ప్రకటన వచ్చింది. అది కూడా హిందీ వెర్షన్ మాత్రమే ప్రస్తుతానికి టీవీలోకి రానుందని అన్నారు.
చదవండి:Mahesh Babu: మహేష్‌ బాబు హాలీవుడ్ లుక్.. ఇది రాజమౌళిదేనా?
దీంతో.. మిగతా భాషల్లో టెలివిజన్ ప్రీమియర్ ఎప్పుడు? అసలు ఓటిటిలోకి వస్తుందా? రాదా? అనే క్లారిటీ కావాలంటున్నారు. వాస్తవానికైతే.. శివరాత్రి నుంచే హనుమాన్ ఓటిటిలోకి రావాల్సి ఉంది. కానీ జీ5 సంస్థ మాత్రం.. మీ సహనానికి అభినందనలు. ఈ కంటెంట్ పై ప్రస్తుతానికి ఎలాంటి అప్డేట్స్ లేవు. అప్డేట్స్ కోసం మా సోషల్ మీడియా ప్లాట్ ఫామ్స్ పై కనెక్ట్ అయి ఉండండి.. అని చెబుతోంది. మరి మార్చి 16న హిందీలో టెలికాస్ట్ అయ్యే లోపు హనుమాన్ డిజిటల్ స్ట్రీమింగ్‌కు వస్తుందేమో చూడాలి.
చదవండి:Sai Dharam Tej: ఆమె కోసం.. మెగా మేనల్లుడు పేరులో మార్పు!
