మన టిల్లుగాడి లొల్లి గురించి అందరికీ తెలిసిందే. డీజె టిల్లుగా సిద్ధూ జొన్నలగడ్డ అదరగొట్టేశాడు. మనోడి ‘డీజే’ సౌండ్ ఇంకా వినిపిస్తూనే ఉంది. ముఖ్యంగా అట్లుంటది మనతో.. అనే డైలాగ్ ఎంతో పాపులర్ అయంది. దాంతో ‘డీజే టిల్లు’ సినిమాకి సీక్వెల్‌గా ‘డీజే టిల్లు స్క్వేర్’ సినిమా రూపొందుతుంది. ఈ ప్రాజెక్ట్ ప్రకటించినప్పటి నుంచి ఈగర్‌గా వెయిట్ చేస్తున్నారు నెటిజన్స్. ఇప్పటికే ఈ సినిమా 40 శాతం వరకు షూటింగ్ కంప్లీట్ చేసుకుందని తెలుస్తోంది. ఇక ఈ సినిమాలో రాధిక ప్లేస్‌లో క్యూట్ బ్యూటీ అనుపమా పరమేశ్వరన్ నటిస్తోంది. అయితే ముందుగా ఈ ప్రాజెక్ట్‌లో హీరోయిన్ విషయంలో చాలా కన్ఫ్యూజ్ చేశారు. అనుపమా షూటింగ్‌కి వచ్చింది.. టిల్లు చేష్టలకు వెళ్లిపోయిందని ప్రచారం జరిగింది. దాంతో ఇద్దరు ముగ్గురు హీరోయిన్ల పేర్లు తెరపైకి వచ్చాయి. మడొన్నా సెబాస్టియన్‌తో పాటు, ‘హిట్ 2’ బ్యూటీ మీనాక్షి చౌదరి పేర్లు ప్రముఖంగా వినిపించాయి. కానీ అటు, ఇటు తిరిగి చివరగా అనుపమనే టిల్లుతో రొమాన్స్ చేస్తున్నట్టు క్లారిటీ వచ్చేసింది. ఇక తాజాగా అనుపమకు సంబంధించిన పోస్టర్ రిలీజ్ చేశారు. ఫబ్రవరి 18న అనుపమా బర్త్ డే గిఫ్ట్‌గా.. సితార ఎంటర్టైన్మెంట్స్ బర్త్ డే విషెస్ చెప్తూ పోస్టర్ రిలీజ్ చేశారు. ఈ లుక్‌లో అనుపమని చూస్తే అచ్చు ‘రాధిక’ గుర్తొచ్చేలానే ఉంది. కర్లీ హెయిర్‌తో క్యూట్‌గా కట్టిపడేస్తోంది అమ్మడు. దాంతో టిల్లుగాడి అల్లరి ఈసారి మామూలుగా ఉండదని అంటున్నారు. ఇప్పటికే సిద్ధూ జొన్నలగడ్డ బర్త్ డేకి ఒక పోస్టర్‌ని రిలీజ్ చేశారు. ఇక ఈ హిట్ సీక్వెల్‌కు విమల్ కృష్ణ కాకుండా మల్లిక్ రామ్ దర్శకత్వం వహిస్తున్నాడు. త్వరలోనే ఈ సినిమ రిలీజ్ డేట్ ప్రకటించనున్నారు.
