మార్చి 30న అసలు సిసలైన దసరా చూపించేందుకు రెడీ అవుతున్నాడు న్యాచురల్ స్టార్ నాని. ఇప్పటికే ఇండియా మొత్తం తిరుగుతూ.. దసరా ప్రమోషన్స్ చేస్తున్నాడు. రోజు రోజుకి ఈ సినిమా పై మంచి బజ్ క్రియేట్ అవుతోంది. ఈ సినిమాతో శ్రీకాంత్ ఓదెల అనే కొత్త దర్శకుడు ఇండస్ట్రీకి పరిచయం అవుతున్నాడు. కీర్తి సురేష్ హీరోయిన్‌గా నటిస్తోంది. ఇప్పటికే రిలీజ్ అయిన పాటలు, టీజర్, ట్రైలర్ సినిమా పై అంచనాలు భారీగా పెంచేశాయి. ప్రస్తుతం ట్రైలర్ యూట్యూబ్‌లో ట్రెండింగ్‌లో దూసుకుపోతోంది. అన్ని భాషల్లో కలిపి 20 మిలియన్‌పైగా వ్యూస్‌ను రాబట్టింది. దాంతో ఈ సినిమాకు నాని కెరీర్ బెస్ట్ ఓపెనింగ్స్ రావడం పక్కా. ఇక తాజాగా ఈ సినిమా సెన్సార్ కార్యక్రమాలు పూర్తి చేసుకుంది. ఈ సినిమాకు సెన్సార్ బోర్డ్ U/A సర్టిఫికేట్ వచ్చినట్లు తెలుస్తోంది. రన్ టైం వచ్చేసి.. 2 గంటల 36 నిమిషాలు లాక్ చేశారు. ఇదే విషయాన్ని ఆస్క్ నాని పేరుతో చేసిన చాట్ సెషన్‌లో చెప్పుకొచ్చాడు నాని. ఇక సెన్సార్ మెంబర్స్ దసరాకు పాజిటివ్ రెస్పాన్స్ ఇచ్చినట్లు తెలుస్తోంది. ట్రైలర్‌లోనే నాని విశ్వరూపం చూపించాడు.. అలాంటిది థియేటర్లో మాస్ జాతరే అంటోంది చిత్ర యూనిట్. ధరణిగా నాని, వెన్నెలగా కీర్తి సురేష్ అదరగొట్టారని అంటున్నారు. దాంతో ‘దసరా’ తర్వాత నాని లెక్కలు మారబోతున్నాయనే చెప్పాలి. ఏ మాత్రం పాజిటివ్ టాక్ వచ్చినా.. దసరా పాన్ ఇండియా లెవల్లో దుమ్ముదులుపుతుందనడంలో.. ఎలాంటి సందేహాలు లేవు. ఈ సినిమాకు సంతోష్ నారాయణన్ మ్యూజిక్, బీజిఎం మరింత ప్లస్ కానుంది. మరి దసరాతో నాని ఎలాంటి రిజల్ట్ ఫేజ్ చేస్తాడో చూడాలి.
