Captain Miller: ధనుష్ యాక్టింగ్ గురించి ప్రత్యేకంగా చెప్పాల్సిన అవసరం లేదు. తెలుగులో చివరగా ‘సార్’ సినిమాతో సాలిడ్ హిట్ కొట్టిన ధనుష్.. ఈ సంక్రాంతికి కెప్టెన్ మిల్లర్ సినిమాతో ఆడియెన్స్ ముందుకొచ్చాడు. వాస్తవానికైతే ఈ సినిమాను తెలుగులోను జనవరి 12న రిలీజ్ చేయాలని అనుకున్నారు. కానీ ఇప్పటికే తెలుగులో నాలుగు సినిమాలు పోటీ పడుతున్నాయి. గుంటూరు కారం, హనుమాన్, సైంధవ్, నా సామిరంగ సినిమాలు రిలీజ్ అవుతున్నాయి. దీంతో తెలుగు రాష్ట్రాల్లో థియేటర్ల సమస్య ఏర్పడింది. అందుకే తెలుగులో పోస్ట్ పోన్ చేసి మిగతా భాషల్లో రిలీజ్ చేశారు.
ఇది కూడా చూడండి: Guntur Kaaram: గుంటూరు కారం సినిమాలో వీళ్లిద్దరే మైనస్..!
ఇక రిలీజ్ అయిన అన్ని చోట్ల కూడా కెప్టెన్ మిల్లర్‌కు పాజిటివ్ టాక్ వస్తోంది. ఈ సినిమాలో ధనుష్ కెరీర్ బెస్ట్ పెర్ఫార్మెన్స్ ఇచ్చాడు అనే కాంప్లిమెంట్స్ వస్తున్నాయి. దర్శకుడు అరుణ్ మాతేశ్వరన్, కెప్టెన్ మిల్లర్ సినిమాతో ధనుష్‌కి లార్జర్ దెన్ లైఫ్ సినిమా ఇచ్చాడు అంటూ కొలీవూడ్ వర్గాలు చెబుతున్నాయి. అన్ని అనుకున్నట్టుగా జరిగి ఉంటే.. తెలుగులోను ఈ సినిమాకు ఇదే టాక్ వచ్చి ఉండేదేమో. కానీ తెలుగులో నాలుగు సినిమాలు రిలీజ్ అవుతుండడంతో వాయిదా వేశారు. ఇక ఇప్పుడు సినిమాకు హిట్ టాక్ వచ్చింది కాబట్టి.. తెలుగు రిలీజ్ డేట్ లాక్ చేశారు.
ఇది కూడా చూడండి: KTR: అలా మాట్లాడడం తప్పు.. బీఆర్ఎస్ నేతలకు కేటీఆర్ హితబోధ
రిపబ్లిక్ డే కానుకగా జనవరి 25వ తేదీన తెలుగు వెర్షన్‌ను రిలీజ్ చేస్తున్నట్లుగా ప్రకటించారు. తెలుగులో ఈ సినిమాను ఏషియన్ మల్టీప్లెక్స్ ప్రైవేట్ లిమిటెడ్, సురేశ్ ప్రొడక్షన్స్ భారీ స్థాయిలో విడుదల చేయనున్నట్లు తెలిపారు. మరి తెలుగులో ఈ సినిమా ఎలాంటి విజయాన్ని సొంతం చేసుకుంటుందో చూడాలి.
ఇది కూడా చూడండి: hanuman: జై హనుమాన్.. సీక్వెల్ మామూలుగా ఉండదు!
