బేబీ మూవీలో వైష్ణవి చైత‌న్య హీరోయిన్‌గా న‌టించింది. విరాజ్ మ‌రో కీల‌క పాత్ర‌లో న‌టించారు. విమ‌ర్శ‌కుల ప్ర‌శంస‌లు ద‌క్కించుకున్న`క‌ల‌ర్ ఫొటో` సినిమాకు క‌థ అందించ‌డ‌మే కాకుండా నిర్మాత‌గా కూడా వ్య‌వ‌హ‌రించిన సాయి రాజేష్ నీలం ఈ చిత్రానికి ద‌ర్శ‌క‌త్వం వ‌హించారు. ఎస్‌కెఎన్ నిర్మించిన ఈ సినిమా ఇటీవల ప్రేక్ష‌కుల ముందుకొచ్చింది.
చదవండి: Chiranjeevi: చిరంజీవి సినిమాలో శర్వానంద్.. రీమేక్ కాదట..!
ఈ మూవీ తర్వాత హీరోయిన్ వైష్ణవి చైతన్యకు ఎక్కువ క్రేజ్ వచ్చింది. ఆమెకే ఎక్కువ క్రెడిట్ వచ్చింది. తన నటనతో ఆమె సర్ ప్రైజ్ చేశారు. కాగా, ఇప్పుడు డైరెక్టర్లు ఆమెకు మంచి ఆఫర్లు ఇస్తున్నట్లు తెలుస్తోంది. దీనిలో భాగంగా ఆమెకు పూరీ జగన్నాథ్ సినిమాలో ఆఫర్ వచ్చినట్లు తెలుస్తోంది. అది కూడా రామ్ పోతినేని పక్కన హీరోయిన్ గా కావడం విశేషం. రామ్ హీరోగా ఇస్మార్ట్ శంకర్ సీక్వెన్స్ తెరకెక్కిస్తుండగా, ఇందులో ఒక హీరోయిన్ గా వైష్ణవిని తీసుకున్నట్లు ప్రచారం జరుగుతోంది. మరి పూరీ మూవీలో హీరోయిన్స్ అంటే గ్లామర్ గా కనిపించాలి. మరి, వైష్ణవి ఎంత వరకు ఆ రోల్ చేయగలదో చూడాలి. ఇది ఇప్పటి వరకు ప్రచారమే. అధికారిక ప్రకటన వచ్చే వరకు ఆగాల్సిందే.
