Bigg Boss Telugu Season 7 13th Week Nominations
Bigg Boss 7 Telugu: బిగ్ బాస్ (Bigg Boss) తెలుగు సీజన్ 7 చివరి అంకానికి చేరింది. మరో 3 వారాల్లో రియాలిటీ షో ముగియనుంది. అశ్విని, రతిక ఎలిమినేట్ కావడంతో హౌస్‌లో ప్రస్తుతం 8 మంది ఉన్నారు. రైతు బిడ్డ పల్లవి ప్రశాంత్ వద్ద ఎవిక్షన్ పాస్ ఉంది. నామినేషన్ జరిగిన ప్రోమోను స్టార్ మా విడుదల చేసింది. అందులో దాదాపు ఏడుగురు నామినేట్ అయ్యారు. చివరి నామినేషన్ కావడంతో అందరి మధ్య వాడీ వేడీగా వాదనలు జరిగాయి.
చదవండి: Kantara Chapter 1 రిషబ్ శెట్టి లుక్ చూస్తే గూస్ బంప్స్!
ప్రియాంక (Priyanka).. శివాజీని (shivaji) నామినేట్ చేసింది. తన గేమ్ చూసి ప్రోత్సహించారు అంటూనే.. నెగిటివిటీ పెట్టుకున్నారని చెప్పింది. అర్జున్, గౌతమ్ కూడా శివాజీని నామినేట్ చేశారు. దీనికి కౌంటర్‌గా ప్రిన్స్ యావర్, ప్రశాంత్.. ప్రియాంక, శోభాను నామినేట్ చేశారు. అమర్‌దీప్‌ను మాత్రం ఎవరు నామినేట్ చేయలేదు. దీంతో అతను తప్ప అందరూ నామినేషన్ ప్రక్రియలో ఉన్నట్టు అనిపిస్తోంది.
ఏడుగురు నామినేషన్స్‌‌లో ఉండగా.. వారిలో ఒకరు ఎలిమినేట్ అవుతారు. మిగిలిన ఆరుగురిలో టికెట్ టు ఫినాలే ఐదుగురు చేరతారు. అలా మరొకరు ఇంటినుంచి వెళ్లిపోవాల్సి వస్తోంది. చివరకు టాప్-5లో ఎవరు ఉంటారనే ఉత్కంఠ కొనసాగుతోంది. మొన్నటి వరకు చక్కగా ఆడిన అర్జున్ లాస్ట్ ఎపిసోడ్‌లో ఎలిమినేషన్ నుంచి తృటిలో తప్పించుకున్నాడు. ఈ వారం ఎవరు ఎలిమినెట్ అవుతారు.. టికెట్ టు ఫినాలే దక్కించుకునే అంశం ఉత్కంఠ రేపుతోంది.
సీజన్‌లో అమర్ దీప్ చక్కగా ఆడాడు. ఏదో అలా ఆడుతూ.. కన్ఫ్యూజ్ అవుతూ.. చేస్తూ టైటిల్ రేస్ వరకు వచ్చాడు. ఇక పల్లవి ప్రశాంత్ అయితే తగ్గేదేలే అంటున్నాడు. ఏ ఆట అయినా సరే, టాస్క్ అయినా సరే దుమ్ము రేపుతున్నాడు. శివాజీ కూడా ఫర్లేదు.. కానీ ప్రశాంత్, యావర్ అంటూ ఉండటం మైనస్ అవుతుంది. శోభా, ప్రియాంక కూడా టఫ్ ఇస్తున్నారు. మరీ ఈసారైనా లేడీ టైటిల్ కొడుతుందో లేదో చూడాలీ. అర్జున్ చక్కగా ఆడుతున్నాడు. కానీ టైటిల్ కొట్టేంత ఉందో లేదో చూడాలీ.
