ఈ మధ్య యంగ్ హీరోయిన్లతో ఎక్కువగా రొమాన్స్ చేస్తున్నాడు మాస్ మహారాజా రవితేజ. ప్రస్తుతం సెట్స్ పై ఉన్న సినిమాల్లో కూడా యంగ్ బ్యూటీలతోనే ఆడిపాడుతున్నాడు. ఇక ఇప్పుడు కార్తికేయ2 బ్యూటీతో జోడి కట్టబోతున్నట్టు తెలుస్తోంది. క్రాక్‌తో హిట్ కొట్టిన మాస్ మహారాజా.. ఈ ఏడాది వచ్చిన ఖిలాడి, రామారావు ఆన్ డ్యూటి సినిమాలతో ఏ మాత్రం ఆకట్టుకోలేకపోయాడు. అయితే ఈ సినిమాల్లో యంగ్ హీరోయిన్లతో రొమాన్స్ చేయడమే కాదు.. లిప్ లాక్ కూడా చేశాడు రవితేజ. అయినా రిజల్ట్ మాత్రం తేడా కొట్టేసింది.
ఇక అప్ కమింగ్ ఫిల్మ్ ‘ధమాకా’లో యంగ్ బ్యూటీ శ్రీలీలతో కలిసి మాసివ్ స్టెప్పులేశాడు. అలాగే ప్రస్తుతం సెట్స్ పై ఉన్న రావణాసుర, టైగర్ నాగేశ్వరరావు సినిమాల్లోను కుర్ర హీరోయిన్లతో నటిస్తున్నాడు. ఇక ఈ సినిమాల తర్వాత మరో మూడు, నాలుగు ప్రాజెక్ట్స్ లైన్లో పెట్టాడు రవితేజ. వాటిలో సినిమాటోగ్రాఫ‌ర్ కార్తిక్ ఘ‌ట్ట‌మ‌నేనితో ఓ సినిమాకు సైన్ చేశాడు. ఈ చిత్రాన్ని పాన్ ఇండియా లెవల్లో భారీ బ‌డ్జెట్‌తో ప్లాన్ చేయబోతున్నట్టు.. దీనికి ‘ఈగ‌ల్’ అనే టైటిల్‌ కూడా తెరపైకొచ్చింది. ప్రస్తుతం ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు జరుగుతున్నట్టు తెలుస్తోంది. ఈ సినిమాలో రవితేజకు జోడీగా అనుప‌మ ప‌ర‌మేశ్వ‌ర‌న్‌ను హీరోయిన్‌గా ఫైనల్ చేసినట్టు తెలుస్తోంది. కార్తికేయ-2 చిత్రానికి కార్తిక్ ఘ‌ట్ట‌మ‌నేని సినిమాటోగ్రాఫ‌ర్‌గా పనిచేశాడు. దాంతో అనుప‌మ‌ను తీసుకున్నట్టు టాక్.. త్వరలోనే దీని పై క్లారిటీ రానుంది.
