Akshay Kumar in Manchu Vishnu Kannappa.?
Kannappa: హీరో మంచు విష్ణు (Manchu Vishnu) ప్రధాన పాత్రలో తెరకెక్కుతున్న తాజా చిత్రం కన్నప్ప (Kannappa). అత్యంత భారీ బడ్జెట్‌తో మోహ‌న్ బాబు ఈ చిత్రాన్ని నిర్మిస్తున్నారు. మహాభారతం సీరియల్ ఫేమ్ ముఖేష్‌కుమార్‌ సింగ్‌ (Mukesh Kumar Singh) కన్నప్పకు దర్శక‌త్వం వ‌హిస్తున్నాడు. పాన్ ఇండియా చిత్రంగా భారీ విఎఫ్ఎక్స్ అంశాలతో రూపొందుతున్న ఈ చిత్రం షూటింగ్ షరవేగంగా జరుపుకుంటుంది. ఇటీవల మ‌హాశివ‌రాత్రి కానుక‌గా విడుదల చేసిన ఫ‌స్ట్ లుక్‌లో విష్ణు జలపాతం నుంచి ఎంట్రీ ఇస్తూ.. బాణంను ఎక్కుపెట్టి ఉన్నాడు. ఆ పోస్టర్‌పై సర్వత్రా పాజిటీవ్ టాక్ వినిపించింది. ఇదిలా ఉంటే ఈ సినిమాకు సంబంధించిన ఓ అప్డేట్ నెట్టింట్లో తెగ వైరల్ అవుతుంది. ఈ సినిమాలో బాలీవుడ్ స్టార్ అక్షయ్ కుమార్ నటిస్తున్నారట.
చదవండి:Balakrishna vs Chiranjeevi: సంక్రాంతి ఫేస్ ఆఫ్‌కి రెడీ అవుతున్న బాలయ్య, చిరు
ఇప్ప‌టికే మోహన్‌లాల్‌, మోహన్‌బాబు, ప్రభాస్ లాంటి అగ్రహీరోలు నటిస్తున్న విషయం తెలిసిందే. ఇక తాజాగా అక్షయ్ కుమార్ కూడా నటిస్తున్నట్లు వార్తలు రావడంతో ఇప్పుడు పాన్ ఇండియా సినిమా అంటూ అందరూ కామెంట్స్ చేస్తున్నారు. అయితే దీనిపై అధికారికంగా ఎలాంటి ప్రకటన అయితే లేదు. ఇదే నిజమైతే త్వరలోనే చిత్రం బృందం ప్రకటించే అవకాశం ఉంది. షరవేగంగా షూటింగ్ జరుపుకుంటున్న ఈ సినిమా ఓ భారీ షెడ్యూల్ న్యూజిలాండ్‌లో పూర్తి చేసుకున్నారు. భారీ వీఎఫ్ఎక్స్‌తో ఇండియా మొత్తం షేక్ విజువల్స్ ఉంటాయని మంచు విష్ణు ఓ సందర్భంగా కన్నప్ప గురించి చెప్పారు. ఇక రెండో షెడ్యూల్ ఏప్రిల్ మొదలు కాబోతుందని ఆ సమయంలో హీరో ప్రభాస్, అక్షయ్ కుమార్ షూటింగ్‌లో పాల్గొంటున్నట్లు తెలుస్తుంది.
చదవండి:Pushpa 2: పుష్ప 2 టీజర్ చూశారా.. అదిరిపోయింది
