Vijay: కోలీవుడ్ ఇండస్ట్రీలో పెను విషాదం చోటు చేసుకున్న సంగతి తెలిసిందే. తమిళనాడు డీఎండీకే అధినేత, కెప్టెన్ విజయకాంత్ అనారోగ్యం కారణంగా కన్నుమూశారు. చెన్నైలోని ఓ ప్రైవేట్ ఆస్పత్రిలో వెంటిలేటర్‌పై చికిత్స పొందుతూ తుదిశ్వాస విడిచారు. ఆయన కరోనా ఇన్‌ఫెక్షన్‌తో మృతి చెందినట్లు వైద్యులు తెలిపారు. ఇక ఆయన మృతితో కోలీవుడ్ మాత్రమే కాకుండా యావత్ సినీ పరిశ్రమ దిగ్భ్రాంతికి గురైంది. విజయకాంత్ మృతి పట్ల కోలీవుడ్ ప్రముఖులు, రాజకీయ ప్రముఖులు సంతాపం తెలిపారు. ఇటీవల దళపతి విజయ్ గురువారం రాత్రి చెన్నైలోని ఐలాండ్‌ గ్రౌండ్‌లో విజయకాంత్ భౌతికకాయాన్ని సందర్శించి నివాళులర్పించారు. చివరిసారి చూసిన తర్వాత భావోద్వేగానికి గురయ్యాడు. అనంతరం తిరిగి వస్తుండగా చేదు అనుభవం ఎదురైంది.
చదవండి:Amrith Bharat Express: రేపే పట్టాలెక్కనున్న ఇండియాస్ హైస్పీడ్ ట్రైన్
విజయ్ వస్తున్నడని తెలిసి భారీగా అభిమానులు తరలివచ్చారు. కారులోకి ఎక్కుతుండగా ఎవరో గుర్తు తెలియని వ్యక్తి విజయ్‌పై షూ విసిరారు. అది విజయ్ తలకు తగిలింది. ఇందుకు సంబంధించిన వీడియో వైరల్‌గా మారింది. దీంతో అక్కడ గందరగోళ పరిస్థితి నెలకొంది. కచ్చితంగా అజిత్ అభిమానే ఇలా చేశాడని కోలీవుడ్ ఇండస్ట్రీ టాక్. విజయ్ వచ్చిన సందర్భం ఏంటో కూడా చూడకుండా ఇలా చెప్పుడు విసరడం ఏంటని నెటిజన్లు ఆగ్రహం వ్యక్తం చేస్తున్నారు. ఫ్యాన్‌ వార్‌ ఏమైనా ఉంటే తర్వాత చూసుకోండి. అయినా హీరోలు హీరోలు బాగానే ఉంటారు. ఇలాంటి పనులు చేయడం వల్ల ఫ్యాన్సే పోలీసులకు చిక్కుతున్నారని నెటిజన్లు మండిపడుతున్నారు. ఇక విజయ్, విజయకాంత్ మధ్య విడదీయరాని బంధం ఉంది. విజయకాంత్ సినిమాలో విజయ్ బాలనటుడిగా నటించి మెప్పించాడు. ఆ బంధంతో విజయ్ ఎమోషనల్ అయ్యాడు. ఇప్పుడు ఈ వీడియో వైరల్‌గా మారింది.
చదవండి:Corona Case : 24 గంటల్లో 797 కొత్త కరోనా కేసులు, ఐదుగురి మృతి
Actor #Vijay was attacked by some unidentified persons in the #Vijayakanth funeral place 💔#Captain #RIPVijayakanth pic.twitter.com/lmrmRr1WVR
— AK (@iam_K_A) December 29, 2023
