A bumper offer for movie lovers on the occasion of National Movie Day is a movie at multiplexes for Rs.99
National Movie Day: సినిమా(Movie) చూడాలంటే ఖర్చుకు భయపడే మధ్యతరగతి సినిమా ప్రియులకు శుభవార్త. సాధారణంగా థియేటర్లలో సినిమా చూడాలంటే ఖచ్చితంగా జేబులు చెక్ చేసుకోవాల్సి ఉంటుంది. ఇక ఫ్యామిలీతో ఏ మల్టీప్లెక్స్(multiplexes)లోనో సినిమా చూడాలంటే సరేసరి. అలాంటి వారు శుక్రవారం ప్లాన్ చేసుకొండి. తక్కువ ధరకే సినిమా చూసేయండి. మాములుగా అయితే మల్టీప్లెక్స్ టిక్కెట్ ధరలు రూ. 150 నుంచి మొదలు అవుతాయి. అదే కొత్త సినిమా అయితే రేట్లు పెంచుతారు. ఎంత లేదన్న రూ.250 ఉంటుంది. కానీ ఇప్పుడు మల్టీప్లెక్స్‌లలో రూ.99కే సినిమా చూడవచ్చు. ఈ బంపర్ ఆఫర్ జాతీయ సినిమా దినోత్సవం(National Movie Day) సందర్భంగా (రేపు) శుక్రవారం మాత్రమే అందుబాటులో ఉంది.
చదవండి:Varun Tej-Lavanya: పెళ్లి ఫిక్స్.. డెస్టినేషన్ వెడ్డింగ్ ఎక్కడంటే..?
రెండు తెలుగు(Telangana, Andhra pradesh) రాష్ట్రాలతో పాటు తమిళనాడు, కేరళలో మాత్రం మల్టీప్లెక్స్‌లలో ఒక్క టికెట్ ధర రూ. 112 ఉంది. కేరళలో రూ.129 విక్రయిస్తున్నారు. దేశంలోని చాలాచోట్ల రూ.99కే టిక్కెట్లు అందుబాటులో ఉన్నాయి. రెగ్యులర్ ఫార్మాట్, నాన్ రెక్లయినర్ సీట్లకు మాత్రమే ఈ ఆఫర్ వర్తిస్తుంది. గోల్డ్ సీట్లకు మాత్రం పాత ధరలే ఉన్నాయి. ఇక ప్రతి శుక్రవారం థియేటర్లో సందడి చేయడానికి సినిమాలు రెడీగా ఉంటాయి. అలాగే రేపు పదికి పైగా చిన్న, మధ్యతరహా సినిమాలు విడుదల కాబోతున్నాయి. మరి నచ్చిన సినిమాను బుక్ చేసుకొని వెళ్లి చూసేయండి.
చదవండి:Tamannaah: 13 ఏళ్లకే ఇండస్ట్రీకి మిల్కి బ్యూటీ.. వీడియో వైరల్
