Tamannaah's video as a teenager went viral. She entered Bollywood at the age of 13
Tamannaah: మిల్కీ బ్యూటీ తమన్నా(Tamannaah) బిజీగా అయ్యారు. సినిమాలు, వెబ్ సిరీస్‌లతో దూకుడు పెంచింది. ఓ వీడియో నెట్టింట్లో వైరల్‌గా మారింది. తమన్నా భాటియా సినీ కెరీర్‌ 2005లో చాంద్ సా రోషన్ చెహ్రా చిత్రంతో ప్రారంభించింది. 2004-2005లో తన తొలి చిత్రం షూటింగ్ జరిగింది. ఆ సమయంలో తాను ఒక ఇంటర్వ్యూలో మాట్లాడిన క్లిప్ ఒకటి నెట్టింట్లో వైరల్‌గా మారింది. ఎందుకంటే అప్పటికీ తమన్నా వయసు కేవలం 13 సంవత్సరాలు మాత్రమే.
చదవండి:Lokesh Kanakaraj: కాలినడకన తిరుమలకు దర్శకుడు
సినిమా ప్రమోషన్స్‌లో భాగంగా మీడియా ప్రతినిధులతో మాట్లాడుతూ.. ప్రస్తుతం స్కూల్‌లో 10వ తరగతి చదువుతున్నానని.. 2005లో జరిగే బోర్డ్ ఎగ్జామ్స్‌కు హాజరు కాబోతున్నట్లు పేర్కొన్నారు. ఆ చిత్రానికి సంతకం చేసినప్పుడు కేవలం 13 ఏళ్ళు అని తెలిపారు. వైరల్ అవుతున్న ఆ వీడియోపై నెటిజన్లు కామెంట్స్ చేస్తున్నారు. తమన్నా చూడడానికి 20-21 ఏళ్లలా కనిపిస్తుందని ఒకరు.. ఓ మై గాడ్ ఇది నిజంగా నమ్మబుదద్ది కావడం లేదని మరొకరు అన్నారు. వయసుకు చాలా పరిణితి చెందినట్లు కనిపిస్తున్నారని మరొకరు కామెంట్ చేశారు.
తమన్నా తెలుగు, తమిళం, హిందీ చిత్రాలలో తనకంటూ ప్రత్యేక గుర్తింపును తెచ్చుకున్నారు. 2005లో హిందీ చిత్రం చాంద్ సా రోషన్ చెహ్రాతో ఎంట్రీ ఇచ్చింది. మంచు మనోజ్ నటించిన శ్రీ చిత్రంతో తెలుగు ప్రేక్షకులకు పరిచయం అయింది. అలా తన ప్రస్థానాన్ని మొదలు పెట్టి.. సూపర్ స్టార్ రజనీకాంత్, మెగాస్టార్ చిరంజీవి లాంటి దిగ్గజ నటులతో నటిస్తుంది. ప్రస్తుతం హిందీతోపాటు పలు వెబ్ సిరీస్‌లలో కూడా యాక్ట్ చేస్తోంది.
చదవండి:Tiger Nageswara Rao: రన్ టైం..రవితేజ రిస్క్ చేస్తున్నాడా?
View this post on Instagram
