ప్రముఖ మెసేజింగ్ యాప్ వాట్సాప్ గురించి తెలియని వారుండరు. స్మార్ట్ ఫోన్ వాడుతున్న ప్రతి ఒక్కరి ఫోన్ లో వాట్సాప్ ఉంటుంది. అందుకే…యాజమాన్యం సైతం ఎప్పటికప్పుడు సరికొత్త ఫీచర్లు అందుబాటులోకి తీసుకువస్తోంది. తాజాగా మరో ఫీచర్ ని అందుబాటులోకి తీసుకువచ్చింది. వాట్సాప్ గ్రూప్ లిమిట్ ని పెంచనుంచి.
ప్రస్తుతం ఓ వాట్సాప్ గ్రూప్‌లో 512 మంది సభ్యులు ఉండొచ్చు. అయితే అతిత్వరలో ఈ లిమిట్ రెట్టింపు కానుంది. గ్రూప్‌లో 1024 మంది యూజర్ల వరకు ఉండొచ్చు. ఇప్పటికే వాట్సాప్ బీటా వెర్షన్‌లో ఈ ఫీచర్ వచ్చిందట. ఈ విషయాన్ని వాట్సాప్ బీటా ట్రాకర్ డబ్ల్యూఏబీటాఇన్ఫో వెల్లడించింది. ఆండ్రాయిడ్‌, ఐఓఎస్‌ బీటా వెర్షన్‌ వాట్సాప్‌లో ఈ లిమిట్ పెంపు అందుబాటులోకి వచ్చిందని చెప్పింది. దీంతో త్వరలోనే యూజర్లందరికీ ఈ సదుపాయం రానుంది.
టెలిగ్రామ్‌ నుంచి పోటీని ఎదుర్కొంటున్న వాట్సాప్ ఫీచర్లను వేగంగా తీసుకొస్తోంది. ఈ క్రమంలోనే గ్రూప్స్‌లో పార్టిసిపెంట్స్‌ లిమిట్‌ను 1024కు పెంచేందుకు సిద్ధమైంది. అయితే టెలిగ్రామ్‌లో ఈ లిమిట్ ఏకంగా 2,00,000గా ఉంది.
మరోవైపు, సెండ్ చేసిన మెసేజ్‌లను కూడా ఎడిట్ చేసే విధంగా ఫీచర్‌ను వాట్సాప్ తీసుకురానున్నట్టు చాలా కాలం నుంచి లీక్‌లు వస్తున్నాయి. ఈ దిశగా ఎడిట్ ఫీచర్ కోసం వాట్సాప్ పని చేస్తోందని తెలుస్తోంది. మరోవైవు వ్యూవన్స్ మెసేజ్‌లను స్క్రీన్ షాట్ తీసుకుండా నియంత్రించే ప్రైవసీ ఫీచర్‌ను కూడా వాట్సాప్ ప్రవేశపెట్టనుంది.
ఇది కూడా చూడండి: మునుగోడు ఎన్నికల వేళ…కాంగ్రెస్ పార్టీ కార్యాలయానికి నిప్పు
