United Nations report Severe shortage of water in India in the next two years 2025
భారతదేశంలోని ఇండో-గంగా నది పరీవాహక ప్రాంతంలోని కొన్ని ప్రాంతాలు ఇప్పటికే భూగర్భజలాల క్షీణత సమస్యను ఎదుర్కొంటున్నాయని ఐక్యరాజ్యసమితి(UNO) నివేదిక తెలిపింది. ఈ క్రమంలో భారత్లోని వాయువ్య ప్రాంతం 2025 నాటికి తక్కువ భూగర్భ జలాల కొరతను ఎదుర్కొంటుందని అంచనా వేసింది. ఇంటర్‌కనెక్టడ్ డిజాస్టర్ రిస్క్ రిపోర్ట్ 2023 పేరుతో ఐక్యరాజ్యసమితి ఈ మేరకు రిపోర్టును ప్రకటించింది. దీంతోపాటు ఆరు కీలకమైన అంశాలను నివేదిక హైలైట్ చేసింది. విలుప్తాలను వేగవంతం చేయడం, భూగర్భజలాల క్షీణత, పర్వత హిమానీనదం కరిగిపోవడం, అంతరిక్ష వ్యర్థాలు, భరించలేని వేడి, బీమా చేయలేని భవిష్యత్తు వంటి అంశాలను ప్రస్తావించింది.
భూగర్భజలాల ఉపసంహరణలో దాదాపు 70 శాతం వ్యవసాయం కోసం ఉపయోగించబడుతుంది. తరచుగా భూగర్భజల వనరులు(Ground water resources)తగినంతగా లేనప్పుడు కరువు పరిస్థితులు ఎదురయ్యే అవకాశం ఉందని గుర్తు చేసింది. వాతావరణ మార్పుల కారణంగా ఈ సవాళ్లు మరింత తీవ్రమవుతాయని నివేదిక తెలిపింది. ప్రపంచంలోని ప్రధాన జలాశయాలలో సగానికి పైగా సహజంగా తిరిగి నింపగలిగే దానికంటే వేగంగా క్షీణిస్తున్నాయి. ఇప్పటికే ఉన్న బావుల ద్వారా నీటి మట్టం దిగువకు పడిపోయినప్పుడు, రైతులు నీటి లభ్యతను కోల్పోవచ్చు. ఇది క్రమంలో మొత్తం ఆహార ఉత్పత్తి వ్యవస్థలపై ప్రభావం చూపుతుంది.
ప్రధానంగా సౌదీ అరేబియా, భారత్(bharat), అమెరికా(america) వంటి దేశాలు ఈ నీటి సమస్యను ఎదుర్కొంటుందని రిపోర్ట్ తెలిపింది. అమెరికా, చైనాల వినియోగాన్ని మించి భూగర్భజలాల వినియోగంలో భారతదేశం ప్రపంచంలోనే అతిపెద్దదని నివేదిక తెలిపింది. భారతదేశంలోని వాయువ్య ప్రాంతం దేశంలో పెరుగుతున్న 1.4 బిలియన్ల ప్రజలకు ఇది చాలా కీలకమని గుర్తు చేసింది. పంజాబ్, హర్యానా రాష్ట్రాలు 50 శాతం నీటి ఆధారిత పంటలు పండిస్తున్నారు. ఈ ప్రాంతాల్లో ప్రధానంగా బియ్యం, గోధుమలను పండిస్తున్నారు. ఇక్కడి నుంచి దాదాపు 85 శాతం ఉత్పత్తి చేస్తున్నారు.
ఇది కూడా చూడండి: Revanth Reddy: KCRపై పోటీకి సిద్ధం..చిత్తు చిత్తుగా ఓడిస్తాం
