tough decision to eliminate the jobs of Google Company.. Sundar Pichai
Sundar Pichai: మాంద్యం భయంతో ప్రపంచంలో అగ్ర కంపెనీలు సైతం ఈ సంవత్సరంలో పెద్దఎత్తున ఉద్యోగులను తొలగించాయి. అతిపెద్ద కార్పొరేట్ కంపెనీ గూగుల్(Google) సంస్థ, దాని అనుసంధాన సంస్థ అల్ఫాబెట్‌(Alphabet) సైతం 12 వేల ఉద్యోగులను తొలగించింది. ఇలాంటి సంఘటనలు చాలా కంపెనీలో జరిగి అనేక మంది ఉద్యోగాలు కోల్పోయారు. ఈ విషయంపై గూగుల్ సీఈఓ సుందర్ పిచాయ్(Sundar Pichai) స్పందించారు. తాజాగా నిర్వహించిన ఓ సమావేశంలో లేఆఫ్‌లపై అడిగిన ప్రశ్నకు సుందర్ పిచాయ్ కంపెనీ నిర్ణయాన్ని సమర్థించుకున్నారు.
చదవండి:Rahul Gandhi : నిరుద్యోగం, ద్రవ్యోల్బణం కారణంగానే పార్లమెంట్ పై దాడి
కేవలం శ్రామిక శక్తిని తగ్గించడానికి లేఆఫ్‌ లాంటి కఠినమైన నిర్ణయం తీసుకుందని, ఈ నిర్ణయంతో కంపెనీపై ఎలాంటి ప్రభావం పడిందన్న ప్రశ్నకు పిచాయ్ బదులిస్తూ.. గత 25 సంవత్సరాలుగా ఇలాంటి పరిస్థితిని చూడలేదన్నారు. ఆర్థిక ఇబ్బందుల్ని, భవిష్యత్ వృద్ధిని దృష్టిలో పెట్టుకుని కంపెనీ లేఆఫ్‌ దిశగా అడుగులు వేసిందని వెల్లడించారు. ఇలాంటి పరిస్థితుల్ని ఎదుర్కోవడం ఏ కంపెనీకైనా కష్టమన్నారు. ఉద్యోగులను తొలగించడం చాలా కఠినమైన నిర్ణయం అని పిచాయ్ పేర్కొన్నారు. ఉద్యోగులను తొలగించడం అనేది కరెక్ట్ కాదని, దానికి ప్రత్యామ్నాయ పద్దతులు ఆలోచించాలని పిచాయ్ తెలిపారు.
చదవండి:COVID : కేరళలో కోవిద్ కొత్త వేరియంట్ కలకలం
