MELANOMA VACCINE : చర్మ క్యాన్సర్‌(SKIN CANCER) అయిన మెలనోమా క్యాన్సర్‌కు రానున్న కాలంలో టీకాలు వచ్చే సూచనలు కనిపిస్తున్నాయి. ఈ వ్యాక్సిన్ కోసం గత కొంత కాలంలో మోడెర్నా, ఎండీఎస్‌ అనే రెండు ఫార్మా కంపెనీలు పరిశోధనలు చేస్తున్నాయి. వీరు తయారు చేసిన వ్యాక్సిన్ రెండో దశ క్లినికల్‌ ట్రయల్స్‌ని విజయవంతంగా పాస్‌ అయింది. మెరుగైన ఫలితాలను సాధించినట్లు ఆ సంస్థలు వెల్లడించాయి. యూనివర్సిటీ కాలేజ్‌ లండన్‌ హాస్పిట్‌కు చెందిన వైద్యుల పర్యవేక్షణలో మూడో దఫా క్లినికల్‌ ట్రయల్స్‌ ప్రారంభిస్తామని తెలిపాయి.
చదవండి : ఇక్కడ ఎండలు…. కశ్మీర్‌లో భారీగా వర్షాలు, హిమపాతం!
మెలనోమా క్యాన్సర్‌( MELANOMA CANCER) వచ్చిన వారికి ఈ వ్యాక్సిన్‌ను(VACCINE) కీట్రుడా అనే మరో మందుతో కలిపి ఇవ్వాల్సి ఉంటుందని పరిశోధకులు తెలిపారు. అలా చేయడం వల్ల ఆ క్యాన్సర్‌ ఆ వ్యక్తికి మళ్లీ తిరిగి రాకుండా ఉంటుందని చెబుతున్నారు. వీరు అభివృద్ధి చేసిన mRNA -4157 అనే వ్యాక్సిన్ మెలనోమా క్యాన్సర్‌పై సమర్థవంతంగా పని చేస్తున్నట్లు వీరు తెలిపారు. మూడు వారాలకు ఒక డోసు చొప్పున దీన్ని దాదాపుగా తొమ్మిది డోసుల వరకు ఇవ్వవలసి ఉంటుందని పేర్కొన్నారు.
చదవండి : ఎన్నికల ప్రచారంలో బండి నడిపిన స్మృతీ ఇరానీ
మెలనోమా(MELANOMA) రోగికి ఆపరేషన్‌ ద్వారా తొలగించిన కణతుల నుంచి నమూనాలన్ని ఆర్టిఫిషియల్‌ ఇంటిలిజెన్స్‌ సాయంతో డీఎన్‌ఏ సీక్వెన్సింగ్‌ చేస్తారు. దాని ఆధారంగా ఈ వ్యాక్సిన్ని రోగికి తగినట్లుగా తయారు చేస్తారు. అందువల్ల వ్యాక్సిన్ రోగిలోని క్యాన్సర్‌ కణాలను గుర్తించగలుగుతుంది. సమర్థవంతంగా వాటిపై పని చేస్తుంది. అందువల్ల ఈ క్యాన్సర్‌ మళ్లీ తిరగబడకుండా ఉంటే అవకాశాలుంటాయి.
