ప్రముఖ సామాజిక మాధ్యమం ట్విట్టర్(twitter)కు కొత్త సీఈవో రానున్నారు. ఈ సంస్థను కొనుగోలు చేసినప్పటి నుంచి సీఈవోగా వ్యవహరిస్తున్న ఎలాన్ మస్క్(Elon Musk) తన పదవి నుంచి తప్పుకోనున్నారు. తన స్థానంలో నూతన చీఫ్ ఎగ్జిక్యూటివ్ ఆఫీసర్ ను ఎంపిక చేసినట్లు మస్క్ ట్వీట్ చేశారు. ఇకపై తాను కంపెనీ చీఫ్ టెక్నాలజిస్ట్ గా కొనసాగనున్నట్లు చెప్పారు.
ఇది కూడా చూడండి: Princess Diana నక్లెస్ వేలం.. ధరెంతో తెలుసా?
అయితే ట్విట్టర్ బాస్ గా ఎవరిని ఎంపికచేసినట్లు మాత్రం మస్క్ వెల్లడించలేదు. కానీ ఆరు వారాల్లో ఆమె కొత్త సీఈవో బాధ్యతలు చేపట్టనున్నారని తెలిపారు. ఆయన ట్వీట్ ప్రకారం ట్విట్టర్ కు మహిళా సీఈవో రానున్నారని తెలుస్తోంది. అయితే, ట్విట్టర్ నూతన సీఈఓగా ఎన్బీసీ యూనివర్సల్ మీడియాలో గ్లోబల్ అడ్వర్టైసింగ్ అండ్ పార్ట్ నర్షిప్స్ విభాగం చైర్మన్ గా పనిచేస్తున్న లిండా యాకారినో ను మస్క్ ఎంపికచేసినట్లు వాల్ స్ట్రీట్ జర్నల్ తెలిపింది.
Excited to announce that I’ve hired a new CEO for X/Twitter. She will be starting in ~6 weeks!
My role will transition to being exec chair & CTO, overseeing product, software & sysops.
— Elon Musk (@elonmusk) May 11, 2023
డిసెంబర్‌లో తన అనుచరుల పోల్‌ను అమలు చేసిన తర్వాత మస్క్ ట్విట్టర్‌కు పగ్గాలను అప్పగించడానికి కట్టుబడి ఉన్నాడు. దాదాపు 60% మంది అతని పదవీవిరమణకు అనుకూలంగా ఓటు వేశారు. దీంతోపాటు అతను ట్విట్టర్ నిర్వహణలో భాగంగా టెస్లాపై ఆందోళనతో ఉన్నారనే వార్తలు కూడా వచ్చాయి. ఈ నేపథ్యంలో అతను తన ఉద్యోగాన్ని మరోక వ్యక్తికి అప్పగిస్తానని వెల్లడించారు.
ఇది కూడా చూడండి: Guinness World Record లోకి పెళ్లి గౌను.. స్పెషాలిటీ ఏంటో తెలుసా?
