Dubai: Due to rains, flights between India and Dubai have been cancelled
Dubai: దుబాయ్‌లో ప్రస్తుతం భారీ వర్షాలు కురుస్తున్నాయి. ఈ వర్షాల కారణంగా దుబాయ్ ఎక్కడిక్కడ స్తంభించిపోయింది. ఎప్పుడు రద్దీగా ఉండే ఇంటర్నేషనల్ ఎయిర్‌పోర్టులో వరద చేరి విమానాల రాకపోకలకు తీవ్ర అంతరాయం ఏర్పడింది. రన్‌వేపై మోకాలిలోతు నీరు నిండిపోయింది. ఈ భారీ వర్షాల కారణంగా భారత్-దుబాయ్ మధ్య 28 విమానాలు రద్దయ్యాయి. ఇక్కడి నుంచి దుబాయ్ వెళ్లే 15 విమానాలు, అక్కడి నుంచి వచ్చే 13 విమానాలను రద్దు చేసినట్లు సివిల్ ఏవియేషన్ శాఖ తెలిపింది. మిగతా విమానాలు ఆలస్యంగా నడుస్తున్నాయి.
ఇది కూడా చూడండి: Vishal : జగన్‌ గెలుపు ఖాయమంటున్న విశాల్!
దుబాయ్ మెత్తం భారీ వర్షాలు కురుస్తున్నాయి. దీంతో చాలా ప్రాంతాలు నీటమునిగాయి. రాకపోకలు అన్ని స్తంభించిపోయాయి. కార్లు, ఇల్లు నీటమునిగాయి. ఆ దేశ చరిత్రలో ఇదే అతిపెద్ద కుంభవృష్టి అని అధికారిక వర్గాలు చెబుతున్నాయి. ఇంకా వడగండ్ల వాన పడే అవకాశం ఉందని వాతావరణ శాఖ అధికారులు హెచ్చరించారు. దీంతో స్కూళ్లు, ఆఫీసులకు సెలవులు ప్రకటించారు.
ఇది కూడా చూడండి: Amitabh Bachchan: అమితాబ్‌కు లతా మంగేష్కర్ అవార్డు
