Actor Vishal : రత్నం సినిమా ప్రమోషన్స్‌లో భాగంగా హైదరాబాద్‌కు వచ్చిన హీరో విశాల్ తాజా రాజకీయాలపై తనదైన రీతిలో స్పందించారు. వచ్చే ఎన్నికల్లో గెలిచి ఆంధ్రప్రదేశ్‌కు మళ్లీ సీఎం అయ్యేది జగన్(Jagan) ఏనని ఆయన జోస్యం చెప్పారు. దీనితోపాటుగా తన రాజకీయ భవిష్యత్తు పైనా క్లారిటీ ఇచ్చారు. ఇంతకీ ఆయన ఇంకేం చెప్పారంటే…?
చదవండి : అఖండ సీక్వెల్.. ఇదిగో అధికార ప్రకటన..!
విశాల్(Vishal) తన రాజకీయ జీవితం గురించి మాట్లాడుతూ తాను ఆల్రెడీ రాజకీయాల్లోకి వచ్చానని అన్నారు. వాళ్లే తన నామినేషన్‌ని రిజక్ట్‌ చేశారని అన్నారు. రాజకీయ నాయకులు నటులుగా మారుతున్నారు.. అందుకే నటులు రాజకీయాల్లోకి వస్తున్నారు అంటూ సెన్సేషనల్ కామెంట్స్ చేశారు. జనాలకు మంచి చేయాలని అనుకుంటే ఇన్ని రాజకీయ పార్టీలు ఎందుకని ప్రశ్నించారు. అంతా కలిసి పని చేస్తే ఒక్క సంవత్సరంలోనే మంచి చేయవచ్చని ఐదేళ్ల అవసరం లేదని అన్నారు.
చదవండి : జై హనుమాన్ కొత్త పోస్టర్ చూశారా!
సినిమాలను, రాజకీయాలను రెండింటిని బ్యాలెన్స్‌ చేయలేమని విశాల్ అన్నారు. ఏసీ రూముల్లో కూర్చుని రాజకీయాలు చేయలేమని అన్నారు. రాజకీయాల్లోకి రావాలంటే కొన్ని విషయాలను పూర్తిగా మర్చిపోవాలని అన్నారు. అయితే ఇన్డైరెక్ట్‌గా పవన్ కళ్యాణ్‌ను విశాల్(Vishal) టార్గెట్ చేశారంటూ ఫ్యాన్స్ అప్పుడే ట్రోలింగ్ కూడా మొదలుపెట్టారు.
