కరోనా (Corona) ప్రపంచాన్ని అతలాకుతలం చేసింది. కోవిడ్-19 (Covid-19)పై శాస్త్రవేత్తలు కూడా అనేక పరిశోధనలు చేస్తున్నారు. తాజాగా కరోనా విషయంలో మరో షాకింగ్ విషయాన్ని అమెరికా శాస్త్రవేత్తలు వెల్లడించారు. మానవుల నుంచి జింక (Deers)లకు కరోనా సోకుతోందని పరిశోధనలో తేలింది.
చదవండి: Switzerland: గుడ్‌న్యూస్ చెప్పిన శాస్త్రవేత్తలు..బ్యాక్టీరియాతో కరెంట్ ఉత్పత్తి!
కోవిడ్ వైరస్ జంతువు (Animals)ల్లో ఎక్కువగా విస్తరిస్తోందని, జన్యు పరివర్తనం చెందుతోందని ఒహియో స్టేట్ యూనివర్సిటీ పరిశోధకులు తేల్చి చెప్పారు. పరిశోధనా ఫలితాలను నేచర్ కమ్యూనికేషన్‌లో ప్రచురితం అయినట్లు తెలిపారు.
చదవండి: Moon: నాసా షాకింగ్ రిపోర్ట్..చంద్రునిపై 12 వేల భూకంపాలు..!
ఒహియోలోని 1,522 జింకల ముక్కు నుంచి స్వాబ్‌ను శాస్త్రవేత్తలు సేకరించారు. దాని ద్వారా జన్యుపరమైన విశ్లేషణ చేసి పరిశోధనల్లో ముఖ్య విషయాలను తేల్చారు. జింకల శరీరంలో 6 నుంచి 9 నెలల పాటు కోవిడ్ ఉంటుందని, దానివల్ల అవి అనారోగ్యం బారిన పడే అవకాశం చాలా తక్కువగా ఉంటుందని ప్రొఫెసర్ ఆండ్రూ బోమాన్ వెల్లడించారు.
