China Accidentally Launch Rocket : మన సరిహద్దు దేశం చైనాలో ఓ వింత ఘటన చోటు చేసుకుంది. అక్కడ ప్రయోగానికి సిద్ధం చేస్తున్న ఓ రాకెట్‌(Rocket) అనుకోకుండా నింగికి ఎగిసింది. అలా పైకి వెళ్లిన కొన్ని సెకెన్లకే మళ్లీ భూమిని చేరింది. శకలాలు అరణ్య ప్రాంతంలో పడటంతో పెద్ద ప్రమాదం తప్పింది. అయినప్పటికీ ఆ అడవిలో పెద్ద పేలుడు సంభవించింది. మంటలు చెలరేగాయి. దీంతో అగ్నిమాపక దళాలు రంగంలోకి దిగాయి. మంటల్ని అదుపు చేశాయి.
చదవండి : బ్యాంకులకు ఐదు రోజులే పని దినాలు.. ఎప్పటి నుంచంటే?
చైనా(China) రాకెట్‌ ప్రయోగాల కోసం అక్కడ పలు ప్రైవేట్‌ సంస్థలకు అనుమతులు ఇచ్చింది. దీంతో అక్కడ చాలా చోట్ల ప్రైవేట్‌ రాకెట్‌ లాంచింగ్‌ ప్యాడ్‌లు తయారయ్యాయి. బీజింగ్‌ తియాన్‌లాంగ్‌ టెక్నాలజీ అండ్‌ కో అనే సంస్థ తియాన్‌లాంగ్‌-3 అనే రాకెట్‌ని ప్రయోగానికి సిద్ధం చేస్తోంది. తొలి దశ పనుల్లో ఉండగా అది పొరపాటున అంటుకుని లాంచ్‌ అయ్యింది. సగం ముక్క రాకెట్‌ మాత్రమే అమర్చి ఉంది. పై భాగం ఇంకా అమర్చనే లేదు. ఇంతలోనే ఈ ఘటన జరిగింది.
చదవండి : నన్ను అలా చూడొద్దు.. అర్జునిడిగానే చూడండి : విజయ్‌ దేవరకొండ
సగమే ఉన్న రాకెట్‌ రాజుకుని నింగికి ఎగిసింది. అలా ఆకాశంలో కాస్త పై వరకు వెళ్లిన అ రాకెట్‌ ముక్క తిరిగి జనావాసాలు లేని ప్రాంతంలో పడింది. దీంతో పెద్ద ప్రమాదం తప్పిందని సంస్థ ఆదివారం వెల్లడించింది. దీనికి సంబంధించిన వీడియో కూడా ప్రస్తుతం నెట్‌లో వైరల్‌గా మారింది. మరి ఇంకెందుకు ఆలస్యం మీరూ ఓ లుక్కేసేయండి. జూన్‌ 22న సైతం అక్కడ ఇలాంటి ఘటనే మరోటి చోటు చేసుకుంది. అక్కడి షీఛాంగ్‌ శాటిలైట్‌ సెంటర్‌ నుంచి రాకెట్‌ ప్రయోగం జరిగిన కొద్ది సేపటికే శిధిలాలు జనావాసాల్లో పడ్డాయి.
🔴 ¡¡Houston, tenemos un problema!!
La primera etapa del cohete Tianlong-3 de la empresa china Space Pioneer despegó durante una prueba estática.
Debido al deficiente sistema de sujeción, la etapa ha salido volando 1,5 km de altura. pic.twitter.com/GFjE9wpHUD— Ciencias Espaciales 🚀🛰️ (@Ciencias_Espac) June 30, 2024
