తైవాన్ తమదేనంటూ హుంకరిస్తున్న చైనా మరోసారి దుందుడుకు చర్యలకు తెరదీసింది. వందకు పైగా యుద్ధ విమానాలతో తైవాన్ ను ఉక్కిరిబిక్కిరి చేసేందుకు ప్రయత్నించింది.
China: తైవాన్(taiwan) తమదేనంటూ విర్రవీగుతున్న చైనా(China) మరోసారి దుందుడుకు చర్యలకు పాల్పడింది. వందకు పైగా యుద్ధ విమానాలతో తైవాన్ ను ఉక్కిరిబిక్కిరి చేసేందుకు ప్రయత్నించింది. చైనాకు చెందిన 103 యుద్ధ విమానాలు తమ భూభాగం దిశగా దూసుకు రావడాన్ని తాము గుర్తించినట్టు తైవాన్(taiwan) పేర్కొంది. అందులో 40 యుద్ధ విమానాలు తైవాన్ జలసంధి మధ్య రేఖను దాటినట్టు తైవాన్ రక్షణ శాఖ తెలిపింది. అదే సమయంలో చైనాకు చెందిన 9 యుద్ధ నౌకలు కూడా సముద్ర జలాల్లో దర్శనమిచ్చినట్టు వెల్లడించింది. ఇదంతా 24 గంటల వ్యవధిలో జరిగిందని తైవాన్ వివరించింది.
చదవండి:Libiya Floods: లిబియాలో వరద విధ్వంసంపై యూటర్న్ తీసుకున్న ఐక్యరాజ్య సమితి
చైనా(China) ఈ ఆరోపణలను ఎప్పట్లాగానే ఖండించింది. మేం మధ్య రేఖను దాటాం అని చెప్పడానికి అసలు ఆ రేఖ అనేది ఉంటేనే కదా అంటూ వితండవాదం చేసింది. చైనా విదేశాంగ మంత్రిత్వ శాఖ అధికార ప్రతినిధి మావో నింగ్ దీనిపై స్పందించారు. తైవాన్ కు చైనాకు నడుమ మధ్య రేఖ అనేదే లేదని, తైవాన్ ఎప్పటికీ చైనాలో అంతర్భాగమేనని పునరుద్ఘాటించారు.
చదవండి:NASA: నక్షత్రం ఏర్పడే చిత్రాన్ని విడుదల చేసిన నాసా..
ప్రముఖ కమ్యూనిస్టు దేశమైన చైనా(china)లో వరుసగా మంత్రులు అదృశ్యమవుతున్నారు. అయితే ఎవరు కిడ్నాప్ చేస్తున్నారు? అధికారంలో ఉన్న అధ్యక్షుడి తీరును ప్రశ్నించినందుకే ఈ పనిచేయిస్తున్నారా? లేదా మరేదైనా కారణం ఉందా అనేది ఇప్పుడు తెలుసుకుందాం.
