PCODకి సంబంధించిన కొన్ని విషయాలు తెలుసుకుందాం. PCOD (పాలిసిస్టిక్ ఓవరీ డిజార్డర్) అనేది ఒక రకమైన హార్మోన్ల రుగ్మత. స్త్రీ శరీరంలో మగ హార్మోన్ల (ఆండ్రోజెన్లు) స్థాయి పెరుగుతుంది. నివేదిక ప్రకారం, ప్రతి 10 మంది మహిళల్లో ఒకరు ఈ రుగ్మతతో బాధపడుతున్నారు. దీనిని పాలిసిస్టిక్ ఓవేరియన్ సిండ్రోమ్ (PCOS) అని కూడా అంటారు. పిసిఒఎస్ బారిన పడిన మహిళలు చాలా మంది ఉన్నారు. నిపుణుల అభిప్రాయం ప్రకారం, 15 నుండి 44 సంవత్సరాల మధ్య వయస్సు గల మహిళల్లో 5 నుండి 10 శాతం మంది పీసీఓడీతో బాధపడుతున్నారు. చాలా మంది మహిళలు 20, 30 సంవత్సరాల మధ్య PCODతో బాధపడుతున్నారు. PCOSకి వయోపరిమితి లేదు. ఈ సమస్య ఏ వయసులోనైనా స్త్రీలను ప్రభావితం చేస్తుంది.
పీసీఓడీ లక్షణం: పీసీఓడీ బాధితుల్లో క్రమరహిత పీరియడ్స్ సాధారణం. ముఖంపై మొటిమలు, జుట్టు రాలడం, అధిక రక్తస్రావం, చర్మంపై నల్లటి మచ్చలు, జుట్టు రాలడం లేదా పల్చబడడం, తలనొప్పి లేదా చిరాకు ఇవన్నీ PCOD లక్షణాలు.
చికిత్స : మీరు పైన పేర్కొన్న సమస్యను ఎదుర్కొంటుంటే, ముందుగా గైనకాలజిస్ట్‌ని సంప్రదించండి. వారు మీకు కొన్ని మందులు ఇవ్వవచ్చు. కానీ మీ జీవనశైలిలో మార్పులు చేసుకోవడం చాలా ముఖ్యం.
పీసీఓడీ నియంత్రణ కోసం ఆహారం: ఆహారంపై ఎక్కువ శ్రద్ధ పెట్టాలి. మీరు ఫైబర్, విటమిన్ ఇ , ఒమేగా 3 , 6 కొవ్వు ఆమ్లాలలో అధికంగా ఉండే ఆహారాన్ని తినాలి. బ్రోకలీ, బచ్చలికూర, బత్తాయి, పచ్చి బఠానీలు, క్యాలీఫ్లవర్, పొట్లకాయ, క్యారెట్, అరటి, యాపిల్, పర్పుల్ ఫ్రూట్, జామ పండు, పైనాపిల్, బొప్పాయి, దానిమ్మ పండు, పచ్చి బఠానీలు, సోయాబీన్స్, బ్రౌన్ రైస్, చిక్‌పీస్ వంటివి తీసుకోవాలి.
బయటి ఆహారానికి దూరంగా ఉండటం చాలా మంచిది. ఎట్టి పరిస్థితుల్లోనూ ప్యాక్ చేసిన ఆహారాన్ని తీసుకోవద్దు. తీపి పదార్థాలకు దూరంగా ఉండటం మంచిది. ఒక్కోసారి ఎక్కువగా తినకుండా, అప్పుడప్పుడూ చిన్నపాటి భోజనం చేయడం మంచిది. బరువు నియంత్రణ చాలా ముఖ్యం. అలాగే దినచర్యను మార్చుకోవాలి. పొద్దున్నే లేవడం, త్వరగా పడుకోవడంతో పాటు క్రమం తప్పకుండా యోగా లేదా వ్యాయామం చేయాలి. ఒత్తిడికి దూరంగా ఉండడం కూడా చాలా ముఖ్యం. మీ జీవనశైలి ఆరోగ్యంగా ఉంటే, వ్యాధి చాలా తక్కువగా ఉంటుంది. మీరు ఆహార నియంత్రణ ద్వారా మాత్రమే PCOD నుండి బయటపడవచ్చు. అయితే సహనం, ఒత్తిడి లేని జీవితం అవసరం.
