ఎక్కువ గంటలు స్క్రీన్‌ల ముందు గడపడం అనేది నిశ్చల జీవనశైలికి దోహదం చేస్తుంది. ఇది బరువు పెరగడం, ఊబకాయం, సంబంధిత అనారోగ్య సమస్యలకు దారి తీస్తుంది. వ్యాయామం, క్రీడలు వంటి శారీరక కార్యకలాపాలను మీ దినచర్యలో చేర్చడానికి ప్రయత్నించండి. ఎక్కువ సేపు స్క్రీన్‌ల వైపు చూస్తూ ఉండటం వలన కళ్ళు ఒత్తిడికి గురవుతాయి. చికాకు, అస్పష్టమైన దృష్టి వంటి లక్షణాలకు దారితీస్తుంది.
20-20-20 నియమాన్ని అనుసరించండి:
ప్రతి 20 నిమిషాలకు, మీ కళ్లకు విశ్రాంతిని ఇవ్వడానికి 20 అడుగుల దూరంలో ఉన్నదాన్ని చూడటానికి 20 సెకన్ల విరామం తీసుకోండి. స్క్రీన్‌ల ద్వారా వెలువడే నీలి కాంతి మన నిద్ర విధానాలకు అంతరాయం కలిగిస్తుంది. ఇది నిద్రలేమికి లేదా నాణ్యత లేని నిద్రకు దారితీస్తుంది. పడుకునే ముందు కనీసం ఒక గంట స్క్రీన్ సమయాన్ని తగ్గించండి. అధిక స్క్రీన్ సమయం అనేది డిప్రెషన్, ఆందోళన, తక్కువ ఆత్మగౌరవం వంటి మానసిక ఆరోగ్య సమస్యలతో ముడిపడి ఉంది. ప్రతి రోజు లేదా వారం స్క్రీన్‌లకు దూరంగా ప్రత్యేక సమయాన్ని సెట్ చేయడం ద్వారా డిజిటల్ డిటాక్స్‌లను ప్రాక్టీస్ చేయండి. మీకు ఆనందం, విశ్రాంతిని కలిగించే కార్యకలాపాలలో పాల్గొనండి. సుదీర్ఘమైన స్క్రీన్ చూడటం వల్ల వెన్నునొప్పి, మెడ స్ట్రెయిన్, మస్క్యులోస్కెలెటల్ ప్రాబ్లమ్స్ వంటి సమస్యలను కలిగిస్తుంది.
