వాల్తేరు వీరయ్య, వీరసింహారెడ్డి ట్రైలర్స్ చూశాక కథపై ఓ అంచనాకు వచ్చేశారు ఆడియెన్స్. అంతేకాదు ట్రైలర్స్ చూశాక.. ఈ సినిమాల పై రోజు రోజుకి అంచనాలు పెరుగుతునే ఉన్నాయి. పైగా తమ అభిమాన హీరోలను ఎలా చూపిస్తామో చూడండి అంటూ.. అటు బాబీ, ఇటు గోపీచంద్ మలినేని ఊహకందని విధంగా హైప్ క్రియేట్ చేస్తున్నారు. అందుకు తగ్గట్టే.. ఈ సినిమాల్లో ఓ పది, పదిహేను నిమిషాలు అరాచకం జరగబోతున్నట్టు తెలుస్తోంది. రెండు సినిమాలకు కూడా ఇంటర్వెల్ బ్యాంగ్ నెక్స్ట్ లెవల్ అనేలా ఉంటుందట. వీరసింహారెడ్డి సినిమాలో ఇంటర్వెల్ అద్భుతమైన ఎమోషనల్‌తో సాగుతుందని అంటున్నారు. సినిమా మొత్తంలోనే ఈ సీక్వెన్స్ హైలెట్ గా నిలుస్తుందట. ముఖ్యంగా ఈ హై ఓల్టేజ్ సీక్వెన్స్‌లో థమన్ బ్యాక్ గ్రౌండ్ స్కోర్ అదిరిపోనుందని టాక్. ఇక వాల్తేరు వీరయ్య కూడా అంతకుమించి అంచనాలను పెంచుకోండని అంటున్నారు. ఇంట్ర‌వెల్ బ్యాంగ్ అదిరిపోతుందని చెబుతున్నారు. ఈసారి రీసౌండ్ వేరే లెవల్ అనేలా ఉంటుంది.. ఇంట్ర‌వెల్ బ్యాంగ్ పది నిమిషాలూ అరాచ‌క‌మే.. అందుకే ఇంట్ర‌వెల్ అనే కార్డు వేయ‌డం లేదు. పూన‌కాలు లోడింగ్ అనే కార్డు వేస్తున్నాం.. పూన‌కాలు వ‌చ్చేలానే సినిమా తీశాం.. అని చెబుతున్నాడు బాబి. ఇలా ఈ డైరెక్టర్స్ చెప్పిన దాన్ని బట్టి చూస్తే.. ఇంటర్వెల్‌లోనే క్లైమాక్స్‌ను చూపించబోతున్నట్టే అనిపిస్తోంది. అయితే ఇంటర్వెలే ఓ రేంజ్‌లో ప్లాన్ చేస్తే.. మరి క్లైమాక్స్ ఇంకెలా ఉంటుందో అర్ధం చేసుకోవచ్చు. ఇంకో రెండు, మూడు రోజులు ఆగితే వీరసింహారెడ్డి, వాల్తేరు వీరయ్య అసలు కథేంటో తేలిపోనుంది. మరి చిరు, బాలయ్య ఈసారి బాక్సాఫీస్‌ను ఎలా షేక్ చేస్తారో చూడాలి.
