ఇండస్ట్రీలో పుకార్లు ఊరికే పుట్టవు.. ఏదైనా గాసిప్ వచ్చిందంటే.. ఖచ్చితంగా ఏదో మ్యాటర్ ఉందనే అర్థం చేసుకోవాలి. కొన్నిసార్లు ఫేక్ వార్తలొచ్చినా.. దాదాపుగా పుకార్లు నిజమైన సందర్భాలే ఎక్కువగా ఉన్నాయి. మహేష్ బాబు, త్రివిక్రమ్ కాంబోలో వస్తున్న ఎస్ఎస్ఎంబీ 28 పై కూడా ఎన్నో రూమర్స్ వినిపించాయి. అప్పుడెప్పుడో ఈ సినిమా ఫస్ట్‌ షెడ్యూల్‌ని ఓ భారీ ఫైట్‌తో స్టార్ట్ చేశారు. కానీ వారం తిరగకముందే ప్యాకప్ చెప్పేశారు. అందుకు కారణం మహేష్‌కు కెజియఫ్ ఫైట్ మాస్టర్స్‌ అన్బు అరివ్ పనితీరు నచ్చలేదని ప్రచారం జరిగింది. కానీ ఇందులో నిజం లేదని అనుకున్నారు. అయితే తాజాగా ప్రొడ్యూస‌ర్ సూర్య దేవ‌ర నాగ‌వంశీ అసలు మ్యాటర్ రివీల్ చేసేశాడు. కేజీఎఫ్ ఫైట్ మాస్ట‌ర్స్‌తో మ‌హేష్‌బాబుపై ఓ యాక్ష‌న్ ఎపిసోడ్‌ను చిత్రీక‌రించింది నిజమే. కానీ అనుకున్న స్థాయిలో అవుట్‌పుట్ రాకపోవడంతో.. ఆ యాక్ష‌న్ ఎపిసోడ్‌ను పూర్తిగా ప‌క్క‌న‌పెట్టేశామ‌ని.. సినిమాలో అది ఉండదని అన్నాడు. దాంతో ఎస్ఎస్ఎంబీలో ఓ ఫైట్ వేస్ట్ అయినట్టే. ఇందుకోసం పెట్టిన కోట్ల ఖర్చు కూడా లాస్ అయినట్టేనని చెప్పొచ్చు. ఇకపోతే.. ఇప్పటికే మ్యూజిక్ సిట్టింగ్స్ స్టార్ట్ చేసిన తమన్.. తాజాగా ఒక సాంగ్ రఫ్ వెర్షన్‌ రెడీ చేసి త్రివిక్రమ్‌కి వినిపించాడట. అది మాటల మాంత్రికుడితో పాటు మహేష్‌కు బాగా నచ్చిందట. దాంతో ఓ ట్యూన్ రెడీ అయిపోయిందని అంటున్నారు. ఇప్పటికే తమన్.. ఇది తన డ్రీమ్ ప్రాజెక్ట్ అని చెబుతున్నాడు. కాబట్టి ఎస్ఎస్ఎంబీ 28 ఆల్బమ్ అదిరిపోతుందనడంలో.. ఎలాంటి సందేహం లేదు. ఇక పూజాహెగ్డే మెయిన్ హీరోయిన్‌గా న‌టిస్తున్న ఈ సినిమాలో.. సెకండ్ హీరోయిన్‌గా శ్రీలీల నటిస్తోంది. ఆగష్టు 11న సినిమా రిలీజ్‌కు ప్లాన్ చేస్తున్నారు.
