ఇప్పటికే చాలాభాగం షూటింగ్ జరుపుకుంది గేమ్ ఛేంజర్(game changer). ఇంకా కొన్ని రోజులు షూటింగ్ మాత్రమే బ్యాలెన్స్ ఉంది. ఈ నెల 23 లేదా 24 నుంచి ఓ భారీ షెడ్యూల్‌ని షూట్ చేయబోతున్నారు. ఈ షెడ్యూల్‌లో క్లైమాక్స్ షూట్ చేయబోతున్నారు. ఇక ఈ క్లైమాక్స్ సీక్వెన్స్ కోసం ఏకంగా వెయ్యి నుంచి 1200 మంది ఫైటర్స్‌ని రంగంలోకి దింపుతున్నాడట శంకర్. దీనికి కేజియఫ్ యాక్షన్ కొరియోగ్రాఫర్స్ అన్బు అరివ్ బ్రదర్స్ పని చేస్తున్నారట.
ఇది కూడా చూడండి: Upasana : మెగాస్టార్ ఇంట్లో సందడి..ఉపాసనకు బేబీ షవర్
ఇప్పటికే ఈ ఫైట్ కోసం రామోజీ ఫిల్మ్ సిటీలో ఓ భారీ సెట్ కూడా సిద్ధం చేశారు. ఈ ఫైట్‌లో రామ్ చరణ్(ram charan)తో పాటు విలన్‌గా నటిస్తున్న ఎస్‌జే సూర్య కూడా జాయిన్ అవబోతున్నట్టు తెలుస్తోంది. అయితే మగధీర సినిమాలో వంద మందితో ఫైట్ అంటేనే.. థియేటర్స్ దద్దరిల్లిపోయాయి. అలాంటిది వెయ్యి మందితో చరణ్ ఫైట్ అంటే.. ఇంకే రేంజ్‌లో ఉంటుందో అర్థం చేసుకోవచ్చు. ఇక దిల్ రాజు నిర్మిస్తున్న ఈ సినిమాను వచ్చే సంక్రాంతికి లేదా సమ్మర్‌లో రిలీజ్‌కు ప్లాన్ చేస్తున్నారు.
కియారా అద్వానీ, అంజలి హీరోయిన్లుగా నటిస్తున్నారు. ఈ సినిమాలో చరణ్ తండ్రి కొడుకులుగా నటిస్తున్నాడు. ఫ్లాష్ బ్యాక్ ఎపిసోడ్‌లో వచ్చే చరణ్ క్యారెక్టర్‌కు అంజలి జంటగా నటిస్తోంది. ఈ సినిమాకు నెక్స్ట్ లెవల్ అనేలా మ్యూజిక్ ఇస్తున్నాడు తమన్. మరి వెయ్యి మందితో గేమ్ ఛేంజర్ ఎలాంటి ఫైట్ చేస్తాడో చూడాలి.
ఇది కూడా చూడండి: Prabhas: అదిరింది బాసూ.. OG కోసం ప్రభాస్, ఎందుకో తెలుసా!?
