పవన్ కళ్యాణ్, సాయి ధరమ్ తేజ్ కలిసి నటిస్తున్న చిత్రం బ్రో. ఈ మూవీకి సముద్రఖని దర్శకత్వం వహిస్తున్నారు. పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ ఈ మూవీని నిర్మిస్తున్నారు. బ్రో మూవీకి వివేక్ కూచిబొట్ల సహనిర్మాతగా వ్యవహరిస్తున్నారు. ప్రముఖ డైరెక్టర్ త్రివిక్రమ్ శ్రీనివాస్ స్క్రీన్ ప్లే, డైలాగ్స్ రాశారు. ఇకపోతే ఈ మూవీలో కేతిక శర్మ, ప్రియా ప్రకాష్ వారియర్ లు హీరోయిన్లుగా చేస్తున్నారు. ఎస్.ఎస్. థమన్ సంగీతం అందించారు. ఇప్పటికే ఈ మూవీ నుంచి పాటలు, టీజర్, ఇతర ప్రచార చిత్రాలు విడుదలై ఆకట్టుకున్నాయి. జూలై 28న ఈ మూవీ ప్రేక్షకుల ముందుకు రానుంది. ఈ నేపథ్యంలో మీడియాతో ప్రియా ప్రకాష్ వారియర్ పలు విషయాలను పంచుకున్నారు.
చదవండి: Hatya Trailer: విజయ్ ఆంటోని ‘హత్య’ ట్రైలర్ రిలీజ్
తన తల్లి సూచన మేరకు ఈ మూవీలో నటించినట్లు ప్రియా ప్రకాష్ వారియర్ తెలిపారు. తాను అప్పటికే వినోదయ సిత్తం సినిమాను చూసినట్లు తెలిపారు. తనకు మూవీ చాలా బాగా నచ్చిందని, బ్రో కోసం సముద్రఖని ఫోన్ చేసి లుక్ టెస్ట్ కోసం రమ్మన్నారని, ఆఖరికి తనకు అవకాశం ఇచ్చినట్లు తెలిపారు. పవన్ కళ్యాణ్ లాంటి అగ్ర నటుడితో ఒకట్రెండు సన్నివేశాల్లో నటించడమే తన లాంటి వారికి గర్వంగా ఉంటుందని ప్రియా ప్రకాష్ అన్నారు. కెరీర్ ప్రారంభంలోనే పవన్ కళ్యాణ్ లాంటి లెజెండరీ నటుడితో కలిసి నటించే అవకాశం రావడం ఆశీర్వాదంగా భావిస్తున్నట్లు తెలిపారు.
చదవండి: Bhola shankar: భోళా శంకర్, జైలర్ కి కామన్ ప్రాబ్లమ్ ఇదే..!
గతంతో పోలిస్తే ఈ మూవీలో కొత్తగా కనిపిస్తానని తెలిపారు. బ్రో మూవీలో తన పేరు వీణ అని, తనది హోమ్లీ గర్ల్ లాంటి క్యారెక్టర్ అని, తనకు పవన్ కళ్యాణ్, సాయి ధరమ్ తేజ్ ఇద్దరితోనూ చేసిన సీన్స్ ఉన్నట్లు వెల్లడించారు. తమిళ రీమేక్ కంటే ఈ మూవీలో భారీ మార్పులు చేశారన్నారు. ఎన్నో ఆసక్తికర సన్నివేషాలు ఉన్నాయన్నారు. ముఖ్య పాత్రల నిడివి కూడా బ్రో మూవీలో పెరిగిందని తెలిపారు.
చదవండి: Kangana Ranaut: డబ్బుల కోసమే పెళ్లి.. అలియా, రణ్‌బీర్ పై కంగనా షాకింగ్ కామెంట్స్
షూటింగ్‌లో పవన్ చాలా కామ్‌గా ఉంటారని, సెట్స్ లో ఆయన అడుగుపెడితే అందరిలో ఉత్సాహం వస్తుందని తెలిపారు. అంత స్థాయిలో ఉన్నా కానీ చాలా జెంటిల్‌గా పవన్ ఉంటారని, ఎంత ఎదిగినా ఒదిగి ఉండాలనేది తననుంచే నేర్చుకున్నానని అన్నారు. తెలుగు సినిమా బడ్జెట్ చాలా పెద్దిదిగా ఉంటుందని, మలయాళంలో చాలా వరకూ కంటెంట్ ఓరియెంటెడ్ సినిమాలే చేస్తుంటారని ప్రియా ప్రకాష్ తెలిపారు. సాయి ధరమ్ తేజ్ సెట్స్ లో చాలా సరదాగా ఉంటాడని, షూటింగ్ లో తామిద్దరం మంచి ఫ్రెండ్స్ అయినట్లు చెప్పుకొచ్చారు.
