రీ ఎంట్రీ తర్వాత వరుసగా సినిమాలు కమిట్ అయ్యారు పవర్ స్టార్ పవన్ కళ్యాణ్. వాటిలో హరిహర వీరమల్లు కూడా ఒకటి. భీమ్లానాయక్ సమయంలో మొదలైన ఈ సినిమా.. ఇంకా సెట్స్ పైనే ఉంది. అసలు ఇప్పట్లో ఈ ప్రాజెక్ట్ ఉంటుందా? అనే డౌట్స్ కూడా వస్తున్నాయి. ఎందుకంటే పవన్ కళ్యాణ్ ఒప్పుకున్న మిగతా సినిమాలు జెట్ స్పీడ్‌లో దూసుకుపోతున్నాయి. కానీ హరిహర వీరమల్లు పరిస్థితి ఎవరికీ తెలియడం లేదు. కుదిరితే వచ్చే ఎన్నికల వరకు కంప్లీట్ అవుతుంది.. లేదంటే ఆ తర్వాతేనని అంటున్నారు.
చదవండి: Naga Chaitanya: రీసెంట్ హిట్ డైరెక్టర్‌తో నాగ చైతన్య.. టార్గెట్ విడాకులు?
అందుకే ఈ సినిమాలో హీరోయిన్‌గా నటిస్తున్న నిధి అగర్వాల్‌ను చూస్తే.. అయ్యో పాపం అనిపించక మానదు. ఇస్మార్ట్ శంకర్‌తో మంచి హిట్ అందుకున్న ఈ అందాల నిధి.. పవన్‌తో ఛాన్స్ రావడంతో ఎగిరి గంతేసింది. కానీ హరిహర వీరమల్లు(Harihara Veeramallu) ఇప్పట్లో తిరిగి సెట్స్ పైకి వెళ్లేలా లేదు. దీంతో కనీసం లైమ్ లైట్లో కూడా లేకుండా పోయింది నిధి. దీంతో.. ఆడియెన్స్ తనని మర్చిపోయారని అనుకుందో ఏమో.. తాజాగా పవన్ ఫ్యాన్స్‌కు హరిహర వీరమల్లు గురించి ఓ సర్ప్రైజ్ ఇచ్చింది. హరిహర వీరమల్లు నుంచి ఎలాంటి అప్డేట్స్ లేని సమయంలో ఈ మూవీ షూటింగ్ టైంలో పవన్‌తో తనపై తీసిన ఫస్ట్ షాట్ ఫోటోను షేర్ చేసింది.
చదవండి: Chiranjeevi : మరో మెగా ఎంటర్టైనర్..యంగ్ డైరెక్టర్‌తో చిరంజీవి?
ఈ సినిమాతో తన కల నిజమైందని.. క్రిష్, పవన్, ఏఎం రత్నం కాంబినేషన్లో వస్తున్న ‘హరిహర వీరమల్లు’ (Harihara Veeramallu) సినిమాలో నటించడం చాలా సంతోషంగా ఉందని చెప్పింది. అలాగే.. త్వరలోనే మీరు మ్యాజిక్‌ను చూస్తారని చెప్పింది. దీంతో అతి త్వరలోనే హరిహర వీరమల్లు రీస్టార్ట్ అయ్యే ఛాన్స్ ఉందని చెప్పొచ్చు. అయినా కూడా పవన్ పొలిటికల్ కారణంగా.. డౌటే అనే టాక్ ఇండస్ట్రీలో నడుస్తోంది. కానీ నిధి అగర్వాల్ మాత్రం పవన్ పై చాలా ఆశలే పెట్టుకుంది.
