థ్యాంక్యూ, లాల్ సింగ్ చడ్డా సినిమాలతో ఏ మాత్రం ఆకట్టుకోలేకపోయిన అక్కినేని నాగ చైతన్య(Naga Chaitanya).. సాలిడ్ హిట్ కోసం చాలా రోజులుగా గట్టిగా ట్రై చేస్తున్నాడు. కానీ ఇటీవల వచ్చిన కస్టడీ సినిమా కూడా చైతన్యను కాపాడలేకపోయింది. కోలీవుడ్ టాలెంటెడ్ డైరెక్టర్ వెంకట్ ప్రభు తెరకెక్కించిన ఈ సినిమా.. ఘోర పరజయాన్ని అందుకుంది. ప్రస్తుతం ధూత అనే వెబ్ సిరీస్‌ చేస్తున్నాడు నాగ చైతన్య. ఇక కార్తికేయ2తో పాన్ ఇండియా హిట్ కొట్టిన డైరెక్టర్ చందు మొండేటి దర్శకత్వంలో గీత ఆర్ట్స్ బ్యానర్లో ఓ సినిమా చేస్తున్నాడు చైతూ.
చదవండి: Saindhav: సైంధవ్ నుంచి మరో కొత్త పోస్టర్.. స్టోరీని లీక్ చేసేశారా?
సవ్యసాచితో ఫ్లాప్ ఇచ్చినప్పటికీ చందూపై ఉన్న నమ్మకంతో కొత్త సినిమా చేస్తున్నాడు చైతన్య(Naga Chaitanya). సముద్రం బ్యాక్ డ్రాప్‌లో రానున్న ఈ సినిమాలో.. చైతన్య ఫిషర్‌మేన్‌గా కనిపించబోతున్నాడు. దాదాపు 50, 60 కోట్ల భారీ బడ్జెట్‌తో చైతన్య కెరీర్లోనే బిగ్ ప్రాజెక్ట్‌గా ఈ సినిమాను ప్లాన్ చేస్తున్నారు. అతి త్వరలోనే ఈ సినిమా నుంచి అఫీషియల్ అనౌన్స్మెంట్ వచ్చే ఛాన్స్ ఉంది. ఇక ఈ సినిమా తర్వాత మరో ప్రాజెక్ట్‌ను రెడీ చేస్తున్నాడు నాగచైతన్య. రీసెంట్‌గా వచ్చిన సినిమాల్లో శ్రీవిష్ణుకి సామజవరగమనతో సాలిడ్ హిట్ ఇచ్చాడు దర్శకుడు రామ్ అబ్బరాజు.
చదవండి: Ileana D’Cruz: తనకు పుట్టబోయే బేబీకి తండ్రెవరో చెప్పిన ఇలియానా!
తక్కువ బడ్జెట్‌లో తెరకెక్కిన ఈ సినిమా.. మంచి లాభాలను తెచ్చిపెట్టిది. శ్రీవిష్ణు సాలిడ్ బౌన్స్ బ్యాక్ అయ్యాడు. దీంతో రామ్ అబ్బరాజుతో సినిమా చేయబోతున్నాడు చైతన్య(Naga Chaitanya). ఇండస్ట్రీ వర్గాల ప్రకారం.. ఇటీవలె చైతన్యని కలిసి ఒక స్టోరీ లైన్ చెప్పాడట రామ్ అబ్బరాజు. ఆ కథకు చై ఇంప్రెస్ అవడంతో ఓకె చెప్పినట్టు టాక్. ఈ సినిమా కథ విడాకుల చుట్టూ తిరిగే వెరైటీ పాయింట్‌తో ఉంటుందని అంటున్నారు. హిలేరియస్ ఎంటర్టైనర్‌గా సినిమా ఉంటుందని టాక్. అయితే ఈ విషయంలో ఇంకా క్లారిటీ రావాల్సి ఉంది.
