Naga Chaitanya next with super hit director?
Naga Chaitanya: అక్కినేని నాగ చైతన్యకు సరైన హిట్ పడి చాలా కాలమే అవుతోంది. చివరగా కస్టడీ సినిమాతో ఏ మాత్రం మెప్పించలేకపోయాడు చైతూ. కానీ ఓటిటిలో వచ్చిన వెబ్ సిరీస్ ధూత మాత్రం మంచి విజయాన్ని అందుకుంది. ప్రస్తుతం నాగ చైతన్య తండేల్ అనే సినిమాను చేస్తున్నాడు. ప్రేమమ్, సవ్యసాచి వంటి సినిమాలు చేసిన చందు మొండేటి, చైతన్య.. ఈసారి పాన్ ఇండియా మార్కెట్‌ను టార్గెట్ చేస్తు తండేల్ సినిమా చేస్తున్నారు. చివరగా కార్తికేయ 2తో పాన్ ఇండియా హిట్ కొట్టిన చందు మొండేటి.. ఈసారి చైతన్యకు సాలిడ్ హిట్ ఇచ్చేలా తండేల్ చేస్తున్నాడు. చైతన్య కెరీర్లోనే హైయెస్ట్ బడ్జెట్‌తో తెరకెక్కుతున్న ఈ సినిమాను.. ప్రముఖ నిర్మాణ సంస్థ గీతా ఆర్ట్స్ నిర్మిస్తోంది. లేడీ పవర్ స్టార్ సాయి పల్లవి హీరోయిన్‌గా నటిస్తోంది.
చదవండి:Uday Kiran: ఇలాంటి సమయంలో.. ఉదయ్ కిరణ్ ఉండి ఉంటేనా?
దీంతో ఈ సినిమా పై భారీ అంచనాలున్నాయి. ఇప్పటికే రిలీజ్ అయిన తండేల్ ఫస్ట్ లుక్, టీజర్‌కు మంచి రెస్పాన్స్ వచ్చింది. ఖచ్చితంగా చైతన్య ఈ సినిమాతో మంచి మాసివ్ హిట్ కొట్టడం గ్యారెంటీ అనే నమ్మకంతో ఉన్నారు అక్కినేని అభిమానులు. ఇక ఈ సినిమా తర్వాత చైతన్య ప్రాజెక్ట్ ఏంటనే విషయంలో క్లారిటీ లేదు. లేటెస్ట్ అప్డేట్ ప్రకారం.. హిట్ డైరెక్టర్‌తో సినిమా ప్లాన్ చేస్తున్నట్టుగా తెలుస్తోంది. విరూపాక్ష సినిమాతో అద్భుతమైన విజయాన్ని అందుకున్న కార్తీక్ దండుతో చైతన్య నెక్స్ట్ సినిమా ఉంటుందని సమాచారం. ఇప్పటికే కథా చర్చలు జరిగాయని.. కథ నచ్చడంతో చైతూ కూడా గ్రీన్ సిగ్నల్ ఇచ్చినట్లు తెలుస్తుంది. మరి అధికారిక ప్రకటన ఎప్పుడు వస్తుందో చూడాలి.
చదవండి:Ram Charan-NTR: హీరోయిన్లనే కాదు.. బిరుదులు కూడా మార్చుకున్నారు!
