వాల్తేరు వీరయ్య వంటి హిట్ తర్వాత స్ట్రెయిట్ మూవీ చేయకుండా.. తమిళ్ మూవీ వేదాళం రీమేక్‌గా ‘భోళా శంకర్’ సినిమా చేస్తున్నారు మెగాస్టార్. ఈ సినిమాకు మెహర్ రమేష్ దర్శకత్వం వహిస్తున్నాడు. ఇప్పటికే ఈ సినిమా షూటింగ్ కంప్లీట్ చేసుకుంది. ఆగస్ట్ 11న భోళా శంకర్‌ను రిలీజ్ చేసేందుకు సన్నాహాలు చేస్తున్నారు. ఈ క్రమంలో భోళా శంకర్ నుంచి బ్యాక్ టు బ్యాక్ అప్డేట్స్ ఇస్తున్నారు మెగాస్టార్. ఇక ఈ సినిమా తర్వాత బంగార్రాజు ఫేం కళ్యాణ్ కృష్ణ కురసాలతో ఓ సినిమా చేయబోతున్నాడు మెగాస్టార్.
చదవండి: Saindhav: సైంధవ్ నుంచి మరో కొత్త పోస్టర్.. స్టోరీని లీక్ చేసేశారా?
ఈ సినిమాని గోల్డ్ బాక్స్ ఎంటర్టైన్మెంట్స్ పై మెగాస్టార్ పెద్ద కూతురు సుస్మిత కొణిదెల నిర్మించబోతున్నారు. ఈ సినిమా.. ఒక్క ఫైట్ కానీ విలన్ గాని లేకుండా.. మెగాస్టార్ మార్క్‌ హిలేరియస్‌గా రాబోతోంది ఈ ప్రాజెక్ట్. ఆగష్టు 22న మెగాస్టార్ బర్త్ డే కానుకగా ఈ ప్రాజెక్ట్ నుంచి అఫీషియల్ అనౌన్స్మెంట్ రానుంది. ఇక ఈ సినిమా తర్వాత మెగాస్టార్ ప్రాజెక్ట్ ఏంటనే విషయంలో.. ఇంట్రెస్టింగ్ న్యూస్ వైరల్ అవుతోంది. యంగ్ డైరెక్టర్ అనిల్ రావిపూడి దర్శకత్వంలో సినిమాకు ప్లాన్ చేస్తున్నట్టు తెలుస్తోంది. ప్రజెంట్ నందమూరి బాలకృష్ణతో ‘భగవత్ కేసరి’ అనే సినిమా చేస్తున్నాడు అనిల్.
చదవండి: Ileana D’Cruz: తనకు పుట్టబోయే బేబీకి తండ్రెవరో చెప్పిన ఇలియానా!
వచ్చే దసరాకు ఈ సినిమా రిలీజ్ కానుంది. ఆ తర్వాత మెగాస్టార్‌తో సినిమా చేయబోతున్నట్టు తెలుస్తోంది. కెరీర్ స్టార్టింగ్ నుంచి వినోదాత్మకమైన సినిమాలను తెరకెక్కించడంలో అనిల్ రావిపూడి దిట్ట. ఇప్పటి వరకు చేసిన సినిమాలన్నీ కమర్షియల్‌గా మంచి విజయాలు అందుకున్నాయి. దాంతో మెగాస్టార్‌తో అదిరిపోయే ఎంటర్టైనర్ చేయబోతున్నాడు. ఇటీవలే చిరుకు కథ కూడా వినిపించాడట. మెగాస్టార్ కథ నచ్చడంతో గ్రీన్‌సిగ్నల్‌ కూడా ఇచ్చాడని టాక్. త్వరలోనే ఈ క్రేజీ కాంబినేషన్ గురించి పూర్తి వివరాలు తెలియనున్నాయి.
