SRCL: దక్షిణ కాశీగా పేరుగాంచిన వేములవాడ శ్రీరాజరాజేశ్వర స్వామి వారి ఆలయంలో భక్తుల రద్దీ నెలకొంది. సోమవారం శ్రీ రాజరాజేశ్వర స్వామి ఆలయంలో భక్తులు సుదూర ప్రాంతాల నుంచి అధిక సంఖ్యల తరలివచ్చారు. సోమవారం పరమశివుని దర్శించుకుంటే సకల శుభాలు జరుగుతాయని భక్తుల ప్రగాఢ విశ్వాసం. అర్చక స్వాములు, వేద పండితులు ప్రత్యేక పూజ కార్యక్రమాలను ఘనంగా నిర్వహించారు.
AP: తిరుమలలో భక్తుల రద్దీ సాధారణంగా ఉంది. శ్రీ వేంకటేశ్వర స్వామిని దర్శించుకునేందుకు వచ్చిన భక్తులకు కంపార్టుమెంట్ల నుంచి కాకుండా నేరుగా దర్శనానికి పంపిస్తున్నారు. నిన్న 82,406 మంది స్వామివారిని దర్శించుకోగా 31,151 మంది భక్తులు తలనీలాలు సమర్పించారు. స్వామివారికి కానుకల రూపంలో హుండీలో రూ.3.68 కోట్లు సమర్పించారు. టికెట్లు లేని భక్తులకు 6 గంటల్లో స్వామివారి దర్శనం లభిస్తోంది.
AP: తిరుమలలో ఏర్పడిన దోషాలు తొలగించేందుకు చేపట్టిన శాంతిహోమం ప్రారంభమైంది. ఇవాళ 6 గంటలకు హోమం ప్రారంభమైంది. బంగారుబావి వద్ద యాగశాలలో శాంతిహోమం, పంచగవ్వ ప్రోక్షణ నిర్వహిస్తున్నారు. గోవుపాలు, గోమూత్రం, నెయ్యి, పెరుగు, పేడతో ఆరాధన చేస్తున్నారు. దీంతో ఆలయం శుద్ధి అవుతుందని ఆగమ సలహామండలి నిర్ణయించింది. కాగా, లడ్డూలో కల్తీ నెయ్యి వాడారనే ఆరోపణలపై సిట్ ఇచ్చే నివేదిక ఆధారంగా బాధ్యులపై చర్యలు తీసుకుంటామ...
BHNG: యాదాద్రి లక్ష్మీ నరసింహస్వామి కొండపై వేంచేసి ఉన్న పర్వతవర్ధని సమేత రామలింగేశ్వర స్వామికి సోమవారం సందర్భంగా మహాన్యాస పూర్వక రుద్రాభిషేకం నిర్వహించారు. ప్రభాతవేళలో మొదటగా పరమశివుడిని కొలుస్తూ సుమారు గంటన్నర పాటు జరిగిన రుద్రాభిషేకంలో భక్తులు మమేకమయ్యారు. పరమశివుడికి ఆవు పాలు, పంచామృతాలతో అభిషేకించి, విభూతితో అలంకరణ చేసి అర్చించారు.
శ్రీ క్రోధి నామ సంవత్సరం; దక్షిణాయణం; వర్ష రుతువు, భాద్రపదమాసం, బహుళపక్షం షష్ఠి: రా. 7-32 తదుపరి సప్తమి రోహిణి: తె. 4-26 తదుపరి మృగశిర వర్జ్యం: రా. 8-44 నుంచి 9-17 వరకు అమృత ఘడియలు: రా. 1-21 నుంచి 2-53 వరకు దుర్ముహూర్తం: మ. 12-17 నుంచి 1-05 వరకు తిరిగి 2-42 నుంచి 3-30 వరకు రాహుకాలం: ఉ. 7-30 నుంచి 9-00 వరకు సూర్యోదయం: ఉ. 5.52; సూర్యాస్తమయం: సా.5.55
AP: లడ్డూ ప్రసాదం అపవిత్రంపై రేపు తిరుమలలో శాంతియాగం చేయనున్నారు. విమాన ప్రాకారం దగ్గర యాగశాలలో రేపు ఉదయం 6 గంటల నుంచి శాంతియాగం ప్రారంభంకానుంది. తర్వాత అర్చకులు పంచగవ్య ప్రోక్షణ నిర్వహించనున్నారు. ఇందుకోసం మూడు హోమ గుండాలు ఏర్పాటు చేశారు. ఈ యాగంలో 8 మంది అర్చకులు, ముగ్గురు ఆగమ సలహాదారులు పాల్గొననున్నారు. దేవాదాయ శాఖ తరఫున అన్ని ఆలయాల్లోనూ హోమాలు చేస్తామని సీఎం చంద్రబాబు తెలిపారు.
AP: తిరుమల శ్రీవారి లడ్డూ అపవిత్రంపై ఐజీ స్థాయి అధికారితో రాష్ట్ర ప్రభుత్వం సిట్ ఏర్పాటు చేసింది. లడ్డూ అపవిత్రానికి గల కారణాలతోపాటు అధికార దుర్వినియోగంపైనా సిట్ విచారణ జరపనుంది. సిట్ నివేదిక ఆధారంగా సీరియస్ యాక్షన్ ఉంటుందని సీఎం చంద్రబాబు వెల్లడించారు. లడ్డూ తయారీలో కల్తీ నెయ్యి వినియోగంలో భాగమైన ఏ ఒక్కరినీ వదిలేది లేదని అన్నారు. తప్పు చేసిన వారికి శిక్ష పడాల్సిందేనని స్పష్టం చేశారు.
WGL: గ్రేటర్ వరంగల్ మున్సిపాలిటీ పరిధిలోని 62వ డివిజన్ కాజీపేట విష్ణుపురిలో కొలువుదీరిన శ్వేతార్క మూలగణపతి దేవాలయంలో నేడు 108 కిలోల విభూదితో స్వామివారికి ప్రత్యేక అభిషేకం జరిపించారు. ఆలయ ప్రధాన అర్చకులు రాధాకృష్ణ శర్మ ఆధ్వర్యంలో శ్వేతార్కుడికి విభూదితో అభిషేకం నిర్వహించారు. ఆలయ వ్యవస్థాపక అధ్యక్షులు వెంకటేశ్వర్లు శర్మ, కార్పొరేటర్ రవీందర్ పాల్గొన్నారు.
SRD: మండల కేంద్రమైన చౌటకూర్‌లోని హనుమాన్ దేవాలయంలో భజరంగ్ దళ్ ఆధ్వర్యంలో హనుమాన్ చాలీసా పారాయణం ఆదివారం నిర్వహించారు. భక్తులు భక్తిశ్రద్ధలతో హనుమాన్ చాలీసా‌ను 21సార్లు చదివారు. అనంతరం హనుమంతునికి మన్యసూక్త సహిత అభిషేకం, ప్రత్యేక పూజా కార్యక్రమాలను జరిపించారు. స్వామి వారికి మహా హారతి కార్యక్రమాన్ని నిర్వహించి మంగళ నైవేద్యాలను సమర్పించారు.
WGL: జిల్లా కేంద్రంలోని భద్రకాళీ మాత ఆలయ ఆవరణలో ఏర్పాటు చేసిన 40 అడుగుల గణపతి విగ్రహానికి నేడు ఆలయ ప్రధానార్చకులు భద్రకాళి శేషు ఆధ్వర్యంలో క్షీరాభిషేకం నిర్వహించారు. 16 రోజులుగా గణపతి ఉత్సవాలు నిర్వహిస్తున్న అర్చకులు ముగింపు వేడుకలను నిర్వహించారు. పాలాభిషేకం అనంతరం భక్తులకు అన్నదానం చేశారు.
TPT: పవిత్ర పుణ్యక్షేత్రం తిరుమలలో అక్టోబర్ 4వ తేదీ నుంచి జరిగే బ్రహ్మోత్సవాలకు హాజరు కావాలని ముఖ్యమంత్రి నారా చంద్రబాబు నాయుడును టీటీడీ ఆహ్వానించింది. ఉండవల్లిలోని చంద్రబాబు నివాసానికి వచ్చిన దేవస్థానం ఈవో జె.శ్యామలరావు,అడిషనల్ ఈవో వెంకయ్య చౌదరి ముఖ్యమంత్రికి బ్రహ్మోత్సవాల ఆహ్వాన పత్రిక అందించి…బ్రహ్మోత్సవాలకు రావాల్సిందిగా కోరారు.
KKD: శంఖవరం మండలం అన్నవరం శ్రీ సత్యనారాయణ స్వామి వారి కొండపై ప్రతి ఆదివారం జరిగే రథ సేవ కార్యక్రమం ఆదివారం అత్యంత వైభవంగా నిర్వహించారు. ముందుగా స్వామి వారికి ప్రత్యేక పూజలు నిర్వహించారు. భక్తులు భారీగా ఈ కార్యక్రమానికి తరలివచ్చారు. రథం వెనుక అడుగులో అడుగు వేస్తూ రథ సేవలో పాల్గొన్నారు. ఈ సందర్భంగా చిన్నారులు వేసిన నృత్యాలు ఎంతగానో ఆకట్టుకున్నాయి.
ATP: పుట్టపర్తి పట్టణం చిత్రావతి రోడ్డులోని శ్రీదుర్గామాత దేవస్థానంలో అక్టోబర్ 3వ తేదీ గురువారం నుంచి 12వ తేదీ శనివారం వరకు దేవి శరన్నవరాత్రులు నిర్వహిస్తున్నామని దుర్గామాత ట్రస్ట్ సభ్యులు తెలిపారు. ఇందులో భాగంగా అమ్మవారికి ప్రత్యేక పూజలు చేస్తామన్నారు. పూజలకు భక్తులు సహకరించాలని కోరారు.
WGL: నల్లబెల్లి మండల కేంద్రంలోని శ్రీ సీతారామ చంద్ర స్వామి ఆలయంలో ఆదివారం భాద్రపద బహుళ పంచమి తిథి పురస్కరించుకుని ఆలయ అర్చకులు తిరుమలగిరి వెంకటేశ్వర్లు ఆధ్వర్యంలో స్వామి వారికి తులసి దళాలతో అష్టోత్తర శతనామ అర్చన నిర్వహించి మహ నైవేధ్యం సమర్పించారు. ఈ కార్యక్రమంలో శ్రీనివాస లక్ష్మీ నారాయణ, తదితరులు పాల్గొన్నారు.
తిరుమలలో టోకెన్లు లేని భక్తులకు శ్రీవారి సర్వదర్శనానికి 8 గంటల సమయం పడుతుంది. అలాగే, 25 కంపార్టుమెంట్లలో భక్తులు దర్శనానికి వేచి ఉన్నారు. నిన్న శ్రీవారిని 82,406 మంది భక్తులు దర్శించుకున్నారు. 31,151 మంది భక్తులు తలనీలాలు సమర్పించారు. హుండీ ఆదాయం రూ.3.68 కోట్లు వచ్చినట్లు టీటీడీ అధికారులు పేర్కొన్నారు.
