AP: తిరుమలలో స్థానికుల దర్శన టోకెన్ల జారీని టీటీడీ ఛైర్మన్ బీఆర్.నాయుడు ప్రారంభించారు. స్థానికులకు దర్శన విధానం పునరుద్ధరణ చేస్తూ తాజాగా టీటీడీ బోర్డు నిర్ణయం తీసుకుంది. ప్రతినెలా మొదటి మంగళవారం స్థానికులకు దర్శన అవకాశం కల్పించనుంది. ఈ మేరకు బాలాజీనగర్ కమ్యూనిటీ హాల్లో భక్తులకు శ్రీవారి దర్శన టోకెన్లు అందించారు.
AP: తిరుమల శ్రీవారి ఆలయ మాడవీధుల్లో లక్ష్మీకాసుల హారం ఊరేగింపు జరుగుతోంది. తిరుచానూరు పద్మావతి అమ్మవారి ఆలయానికి అర్చకులు హారం తీసుకెళ్తున్నారు. బ్రహ్మోత్సవాల్లో భాగంగా రాత్రి గజ వాహనసేవలో అమ్మవారికి హారం అలంకరణ జరిగింది. నేడు మళ్లీ తిరిగి అమ్మవారి ఆలయానికి తీసుకెళ్తున్నారు.
VSP: బురుజుపేట కనకమహాలక్ష్మి అమ్మవారి ఆలయంలో మార్గశిర మాసోత్సవాలు వైభవంగా సోమవారం ఉదయం ప్రారంభం అయ్యాయి. విశాఖ దక్షిణ నియోజకవర్గ ఎమ్మెల్యే వంశీకృష్ణ యాదవ్ జ్యోతిని వెలిగించి ఉత్సవాలు ప్రారంభించారు. అనంతరం తొలి పూజ నిర్వహించారు. ఈ ఉత్సవాల్లో అమ్మవారిని దర్శించుకోవడం అదృష్టంగా భావిస్తున్నట్లు ఎమ్మెల్యే పేర్కొన్నారు.
MDK: కౌడిపల్లి మండలం తునికి నల్ల పోచమ్మ దేవాలయంలో నేడు ప్రత్యేక పూజలు నిర్వహించారు. సోమవారం పురస్కరించుకొని అమ్మవారికి ఉదయం పంచామృతాలతో అభిషేకాలు, అష్టోత్తర నామాలతో పూజా కార్యక్రమం నిర్వహించారు. రంగురంగుల పూలమాలలు, పట్టు వస్త్రాలతో అమ్మవారిని అందంగా అలంకరించి, ధూప దీప నైవేద్యాలు సమర్పించి భక్తులకు దర్శనం కల్పిస్తున్నారు.
ELR: ఉంగుటూరు గ్రామంలోని భీమేశ్వర స్వామి దేవస్థానంలో సోమవారం భక్తులు ప్రత్యేక పూజలు, అభిషేకాలు నిర్వహించారు. ఆలయంలో భక్తులు దీపాలు వెలిగించారు. ఆలయ ప్రాంగణంలో ఉన్న శ్రీ వెంకటేశ్వర స్వామి ఆలయంలో స్వామివారికి దేవస్థానం ఆధ్వర్యంలో పూజలు నిర్వహించారు. అనంతరం భక్తులకు తీర్ధప్రసాదాలు పంపిణీ చేశారు.
BHNG: లక్ష్మీ నరసింహస్వామి కొండపై వేంచేసి ఉన్న పర్వత వర్ధని సమేత రామలింగేశ్వర స్వామికి సోమవారం సందర్భంగా మహాన్యాస పూర్వక రుద్రాభిషేకం నిర్వహించారు. ప్రభాత వేళలో మొదటగా పరమశివుడిని కొలుస్తూ సుమారు గంటన్నర పాటు జరిగిన రుద్రాభిషేకంలో భక్తులు మమేకమయ్యారు. పరమశివుడికి ఆవు పాలు, పంచామృతాలతో అభిషేకించి, విభూతితో అలంకరణ చేసి అర్చించారు.
VSP: సింహాచలం సింహాద్రి అప్పన్న ఆలయంలో నేటి నుంచి చందన దీక్షలు మొదలవనున్నాయి. నేటి నుంచి జనవరి 12వరకు మండల దీక్షలు, డిసెంబర్ 12 నుంచి జనవరి 12 వరకు రెండో విడత 32 రోజుల దీక్షలు చేపట్టనున్నారు. అయితే సింహాద్రి అప్పన్న మాలలు వేసుకునే భక్తులకు తులసీ మాల, స్వామి ప్రతిమ దేవస్థానం వారు ఉచితంగా ఇస్తారు.
MDK: పాపన్నపేట మండలం శ్రీ ఏడుపాయల వన దుర్గ భవాని మాతకు సోమవారం అర్చకులు శంకర్ శర్మ ప్రత్యేక పూజలు నిర్వహించారు. ఇందువాసరే పురస్కరించుకొని ఆలయ ఆచార సాంప్రదాయ పద్ధతిన అమ్మవారికి ప్రత్యేక అలంకరణతో వేదోక్తంగా అభిషేకం పూజలు చేపట్టారు. అనంతరం మహా మంగళహారతి నిరాజనం నైవేద్యం సమర్పించారు. అనంతరం భక్తులకు తీర్థప్రసాదాలు వితరణ చేశారు.
GDWL: గద్వాల జిల్లా పరిధిలోని జమ్మిచేడులో వెలిసిన జమ్ములమ్మకు ఆదివారం కార్తీక మాసం, అమావాస్య సందర్భంగా ప్రత్యేక అలంకరణ చేసి, విశేష పూజలు జరిగాయి. ఆలయ అర్చకులు కృష్ణా నది జలాలతో అమ్మవారిని అభిషేకించి, అర్చన, ఆకు పూజ, హోమం తదితర పూజా కార్యక్రమాలు నిర్వహించారు. అనంతరం భక్తులకు దర్శన భాగ్యం కల్పించి తీర్థ ప్రసాదాలు అందజేశారు.
➢ ముందుగా వచ్చిన వారికి తొలి ప్రాధాన్యత క్రమంలో టోకెన్లు కేటాయిస్తారు➢ దర్శనం టికెట్ పొందడానికి స్థానికులు తమ ఒరిజినల్ ఆధార్‌కార్డు తప్పనిసరిగా చూపించాలి➢ వైకుంఠం క్యూకాంప్లెక్స్‌లోని దివ్యదర్శనం క్యూలైన్‌లో భక్తులను దర్శనాలకు అనుమతిస్తారు➢ ఇతర దర్శనాల్లో ఇచ్చే విధంగా ఒక లడ్డూ ఉచితంగా అందిస్తారు➢ స్థానికుల కోటాలో దర్శనం చేసుకున్న వారికి తిరిగి 90 రోజుల వరకు దర్శనానికి అవకాశం ఉండదు.
AKP: నర్సీపట్నం శ్రీవెంకటేశ్వరస్వామి ఆలయంలో ఆదివారం సాయంత్రం సంకీర్తన భజన మండలి వార్షికోత్సవంను పురస్కరించుకొని ప్రత్యేక ఆధ్యాత్మిక కార్యక్రమాలను నిర్వహించార. ఈ సందర్భంగా 16 రకాల పుష్పాలతో షోడశ స్వర పుష్పార్చన కార్యక్రమాన్ని ఘనంగా జరిపించారు. అనంతరం ప్రత్యేక భక్తి గీతాలను ఆలపించారు. ఈ కార్యక్రమంకు అధిక సంఖ్యలో భక్తులు హజరయ్యారు.
AP: ప్రతి నెలా మొదటి మంగళవారం తిరుపతి స్థానికులకు శ్రీవారి దర్శనభాగ్యం కల్పించేందుకు టీటీడీ ఏర్పాట్లు చేసింది. ఈ నెల 3 నుంచి కల్పించనున్న దర్శనానికి టీటీడీ అధికారులు రేపు ఉచితంగా టోకెన్లు జారీ చేస్తారు. మహతి ఆడిటోరియంలో 2,500 టోకెన్లు, కమ్యూనిటీ హాల్లో 500 టోకెన్లు ఉదయం 3 నుంచి 5 గంటల మధ్య జారీ చేయనున్నారు.
NLR: కోవూరు మండలం పోతిరెడ్డి పాలెం పెన్నా నది తీరాన వెలసియున్న శ్రీ కర్మఫలధాత శనీశ్వర స్వామి ఆలయంలో కార్తీక మాసం ఆదివారం గోవర్ధన అమావాస్య సందర్భంగా పూజలు నిర్వహించారు. భక్తులు కూష్మాండ దీపారాధన, కుష్మాండ దిష్టి, కర్మ స్థానాలు, పితృదేవతల తర్పణాలు పూజా కార్యక్రమాలు భక్తులు భక్తితో నిర్వహించారు. పెద్ద సంఖ్యలో భక్తులు పాల్గొని స్వామివారిని దర్శించుకున్నారు.
VZM: చీపురుపల్లి శ్రీ కనకమహలక్ష్మి అమ్మవారి ఆలయ సన్నిధిలో కార్తీక మాసం చివరి ఆదివారం సందర్భంగా అమ్మవారికి రవి శర్మ ఆధ్వర్యంలో ప్రత్యేక పూజలు, హోమాలు జరిపించారు. సంకుపాలెం గ్రామానికి చెందిన భజన బృందం వారిచే అమ్మవారికి భక్తి గీతాలాపన అనంతరం అన్నదాన కార్యక్రమం జరిగింది. ఆలయ కమిటీ ఛైర్మన్ ఇప్పిలి సూర్యప్రకాష్, వైస్ ఛైర్మన్ సూరు కుమార్ స్వామి పాల్గొన్నారు.
GDWL: ఇటిక్యాల మండలం బీచుపల్లి కృష్ణా నది తీరాన వెలసిన అంజన్న ఆలయానికి భక్తులు పోటెత్తారు. ఆదివారం అమావాస్య ను పురస్కరించుకొని అర్చకులు స్వామికి అభిషేకం, అర్చన, ఆకు పూజ హోమం తదితర ప్రత్యేక పూజా కార్యక్రమాలు నిర్వహించారు. అనంతరం భక్తులకు దర్శన భాగ్యం కల్పించారు. గద్వాల, వనపర్తి జిల్లాల నుంచి భక్తులు అధిక సంఖ్యలో తరలివచ్చారు.
