YouTuber Arrest: లోక్‌సభ ఎన్నికలు సమీపిస్తున్నాయి. ఇలాంటి సమయంలో కొందరు తప్పుడు సమాచారం ఇస్తుంటారు. ఎలక్షన్ల సమయంలో అసత్య ప్రచారాల వ్యాప్తికి అడ్డుకట్ట వేసేందుకు ఈసీ ఎప్పటికప్పుడు చర్యలు చేపడుతూనే ఉంది. అయితే తాజాగా ఈవీఎంలపై నకిలీ వార్తలను ఓ యూట్యూబర్‌ ప్రచారం చేశాడు. ఇతనిని కేరళ పోలీసులు అరెస్టు చేశారు. కేరళకు చెందిన యూట్యూబ్ ఛానల్ వెనిస్ టీవీ యాజమాని ఇటీవల ఎలక్ట్రానిక్ ఓటింగ్ యంత్రాలపై ఓ వీడియో పోస్ట్ చేశాడు.
ఇది కూడా చూడండి: Boxer Vijender Singh: బీజేపీలోకి బాక్సర్ విజేందర్ సింగ్
ఈవీఎంలతో మోసాలు జరుగుతాయని, ఈసారి లోక్‌సభ ఎన్నికలను బ్యాలెట్ పేపర్లతో నిర్వహించాలని ప్రచారం చేశాడు. ఈ వీడియో కాస్త వైరల్ కావంతో అధికారుల దృష్టికి వెళ్లింది. దీంతో పోలీసులు అతనిని అరెస్టు చేసి కేసు నమోదు చేశారు. సమాజంలో గొడవలు సృష్టించాలనే ఉద్దేశంతోనే అతను ఈ వీడియో రూపొందించినట్లు దర్యాప్తులో తేలిందని పోలీసులు వెల్లడించారు. ఎన్నికల నేపథ్యంలో సోషల్ మీడియాపై నిఘాను పెంచామని, ఆన్‌లైన్ కంటెంట్‌ను ఎప్పటికప్పుడు పర్యవేక్షిస్తున్నట్లు తెలిపారు.
ఇది కూడా చూడండి: Cooking Oil: వంట నూనె విషయంలో ఈ తప్పులు చేయకండి..!
కేరళలో మొత్తం 20 లోక్‌సభ స్థానాలకు ఏప్రిల్ 26న రెండో విడతలో పోలింగ్ జరగనుంది. లోక్‌సభ ఎన్నికల్లో అసత్య సమాచార వ్యాప్తిని అరికట్టడానికి ఈసీ ‘మిథ్‌ వర్సెస్‌ రియాలిటీ రిజిస్టర్‌’ పేరుతో ఓ వెబ్‌సైట్‌ను రూపొందించింది. ప్రజలు ఎప్పటికప్పుడు అడిగే ప్రశ్నలను, వెలుగులోకి వచ్చిన నకిలీ సమాచారాన్ని ఈ రిజిస్టరు ద్వారా అప్‌డేట్‌ చేస్తూ ఓటర్లకు తెలుపుతామని పేర్కొంది.
