మెక్సికోలో మళ్లీ కాల్పుల ఘటన కలకలం రేపింది. తాజాగా జరిగిన కాల్పుల ఘటనలో 16 మంది దుర్మరణం చెందారు. మెక్సికోలోని గువానాజువాటో రాష్ట్రంలో ఈ దారుణం జరిగింది. సాల్వాటియెర్రా పట్టణంలో క్రిస్మస్ సీజన్ పార్టీ నుంచి ఇళ్లకు తిరిగి వస్తుండగా ఓ దుండగుడు కాల్పులు జరిపాడు. ఈ ఘటనలో 16 మంది అక్కడికక్కడే మృతిచెందారు. మరికొందరికి తీవ్రంగా గాయాలు అయ్యాయి. వారిలో కొందరి పరిస్థితి కూడా విషమంగా ఉందని అధికారులు తెలిపారు.
చదవండి: Dawood Ibrahim : గ్యాంగ్‌స్టర్ దావూద్ ఇబ్రహీంపై విషప్రయోగం..సీక్రెట్‌గా ఆస్పత్రిలో చికిత్స!
క్రిస్మస్ పండగ నేపథ్యంలో ‘పోసాడా’ అని పిలిచే క్రిస్మస్ పార్టీని అక్కడి జనాలు జరుపుకుంటూ ఉంటారు. ఓ ఈవెంట్ హాల్‌లో జనాలు పార్టీ నుంచి బయటకు వస్తుండగా దుండగుడు కాల్పులు చేపట్టాడు. సలామాంకా నగరంలో కూడా మరో కాల్పుల ఘటన చోటుచేసుకుంది. ఆ ఘటనలో మరో నలుగురు వ్యక్తులు మరణించారు.
చదవండి: Road Accident : అయ్యప్ప దర్శనానికి వెళ్తూ .. రోడ్డు ప్రమాదంలో తెలంగాణ వాసుల మృతి
మరోవైపు మెక్సికో రాజధాని అయిన మెక్సికో సిటీలో ఉన్న టెక్స్‌కల్‌టిట్టాన్ గ్రామంలో ఘర్షణలు చోటుచేసుకున్నాయి. ఈ ఘటన దేశవ్యాప్తంగా సంచలనం రేకెత్తించింది. సాయుధులు, క్రిమినల్ గ్యాంగులకు మధ్య ఘర్షణలు జరగడంతో ఆ ఘటనలో 11 మంది ప్రాణాలు విడిచారు. ఇటువంటి ఘటనలు జరగకుండా పోలీసులు ప్రత్యేక చర్యలు తీసుకున్నారు.
