ఓ బిస్కెట్ ప్యాకెట్లో (Biscuit Packet) ఒకటి తక్కువైందని లక్ష రూపాయల పరిహారాన్ని పొందాడు. ఈ ఘటన చెన్నై (Chennai)లో చోటుచేసుకుంది. నగరానికి చెందిన డిల్లి బాబుకు వీధి కుక్కలకు బిస్కెట్లు తినిపించే అలవాటు ఉంది. ఓ రోజు ఐటీసీ కంపెనీకి చెందిన సన్‌ఫీస్ట్ మేరీ లైట్ బిస్కెట్ ప్యాకెట్ కొని వీధి కుక్కలకు వేయాలనుకున్నాడు. ఆ ప్యాకెట్ ఓపెన్ చేసి చూడగానే అందులో ఓ బిస్కెట్ తక్కువగా ఉంది. వెంటనే దుకాణం వద్దకు వెళ్లి వివరాలు అడగ్గా దుకాణం యజమాని నుంచి సరైన సమాధారం రాలేదు.
చదవండి: Cancer Rate: యువతలో పెరుగుతోన్న క్యాన్సర్‌ కేసులు..వారిలోనే అధికం!
దీంతో డిల్లి బాబు (Dilli babu) వినియోగదారుల కోర్టు (Consumer Court)ను ఆశ్రయించాడు. ఆ కోర్టు నుంచి తనకు కావాల్సిన సమాచారాన్ని సేకరించాడు. ఐటీసీ కంపెనీ (ITC Company) ద్వారా ప్రతి రోజూ రూ.30 లక్షల వరకూ మోసం జరుగుతోందని తెలుసుకుని కోర్టుకు విన్నవించుకున్నాడు.
చదవండి: New Born Baby: 10 నెలల చిన్నారి కడుపులో కవలలు..ఆశ్చర్యపోయిన డాక్టర్లు!
సాధారణంగా మేరీ లైట్ బిస్కెట్ ప్యాకెట్ లోని ఒక్కొక్క బిస్కెట్ ధర 75 పైసలు పడుతుంది. ఐటీసీ కంపెనీ రోజూ 50 లక్షల బిస్కెట్ ప్యాకెట్లను తయారు చేస్తుంటుంది. అలా ఒక్కో బిస్కెట్ ధరతో అన్ని ప్యాకెట్లను కలిపి చూస్తే సుమారుగా రూ.30 లక్షల వరకూ మోసం జరుగుతోందని డిల్లిబాబు కోర్టుకు తెలిపాడు. ఆ బిస్కెట్లలో కూడా ఒక్కో బిస్కెట్ బరువు కేవలం 74 గ్రాములే ఉందని, వాటికి సంబంధించిన వివరాలను కోర్టుకు అందించాడు.
చదవండి: Earth Like Planet: గుడ్‌న్యూస్ చెప్పిన శాస్త్రవేత్తలు..భూమిని పోలిన మరో గ్రహం!
ఈ కేసులో వాదనలు విన్న కోర్టు ఆగస్టు 29వ తేదిన తీర్పునిచ్చింది. ఐటీసీ కంపెనీ (ITC Company) అక్రమ వ్యాపారానికి పాల్పడిందని తేల్చింది. బరువు తక్కువగా ఉండే బిస్కెట్ల అమ్మకాలు వెంటనే ఆపాలని ఆదేశాలిచ్చింది. దాంతో పాటుగా ఈ మోసాన్ని వెలికితీసిన డిల్లిబాబు (Dilli babu) కు రూ.1 లక్ష రూపాయల పరిహారాన్ని కూడా ఇవ్వాలని ఆ ఐటీసీ కంపెనీని ఆదేశించింది.
