5 gas cylinders exploded in Karimnagar.. Huge fire accident
Huge fire accident: కరీంనగర్‌లో భారీ అగ్ని ప్రమాదం చోటుచేసుకుంది. జగిత్యాల రహదారిలోని సుభాష్‌నగర్‌లో పూరిళ్లన్ని కాలి బూడిద అయిపోయాయి. వివిధ ప్రాంతాల నుంచి వచ్చిన వలస కార్మికులు అక్కడ పూరిళ్లు వేసుకొని కాపురముంటున్నారు. మంగళవారం ఉదయం ఆ ప్రాంతంలో పెద్ద ఎత్తున మంటలు చెలరేగాయి. ఈ ఘటనలో గుడిసెల్లో ఉన్న గ్యాస్ సిలిండర్లు పేలాయి. మొత్తం 5 సిలిండర్లు పేలడంతో మంటలు పెద్దగా అవడంతో పాటు, నిప్పు కణికలు గాల్లో ఎగిరి ఇతర ఇళ్లపై పడ్డాయి. దీంతో మంటలు కాలనీ అంతా వ్యాపించడంతో స్థానికులు భయభ్రాంతులకు గురయ్యారు.
చదవండి:Red Sea: దాడుల్లో నౌకను వదిలేశారు.. ఇలా జరగడం ఇదే మొదటిసారి!
విషయం తెలుసుకున్న అగ్ని మాపక సిబ్బంది ఘటన స్థలానికి చేరుకొని మంటలను ఆర్పేందుకు తీవ్రంగా యత్నిస్తున్నారు. అయితే ఈ ప్రమాదంలో ప్రాణనష్టం జరగలేదు. పూరిళ్లలోని కార్మిక కుటుంబాలు మేడారం జాతరకు వెళ్లడంతో పెద్ద ప్రమాదం తప్పింది. వీధీ అంతా పొగతో ఉండడంతో ఇల్లు ఎంత వరకు కాలిపోయాయి అనేది తెలియడం లేదు. ప్రమాదానికి గల కారణాలు కూడా తెలియాల్సి ఉంది.
చదవండి:CM Siddaramaiah: కర్ణాటక సీఎంకు స్టే విధించిన సుప్రీంకోర్టు
