టాలీవుడ్ జంట విజయ్ దేవరకొండ, రష్మిక మందన్న వెడ్డింగ్ రిసెప్షన్ మార్చి 4న హైదరాబాద్లోని తాజ్ కృష్ణాలో వైభవంగా జరగనుంది. సాయంత్రం 7 గంటలకు మొదలయ్యే ఈ వేడుకకు భారీ భద్రత ఏర్పాటు చేశారు. ఆహ్వానితులకు పంపిన ‘వన్ టైమ్ క్యూఆర్ కోడ్’ స్కాన్ చేస్తేనే లోపలికి అనుమతిస్తారు. ఆహ్వానం లేని వారు రావొద్దని నిర్వాహకులు కోరారు. ఇక ఈ వేడుకకు సినీ, రాజకీయ ప్రముఖులు హాజరుకానున్నారు.
జీ 5లో స్ట్రీమింగ్ అవుతోన్న ‘డాటర్ ఆఫ్ ప్రసాద్రావు: కనబడుటలేదు’ వెబ్సిరీస్ రికార్డులు సృష్టిస్తోంది. రాజీవ్ కనకాల, ఉదయభాను ప్రధాన పాత్రల్లో కృష్ణ పోలూరు తెరకెక్కించిన ఈ థ్రిల్లర్, కేవలం 75 గంటల్లోనే 75 మిలియన్ల స్ట్రీమింగ్ మినిట్స్ సాధించి బ్లాక్ బస్టర్గా నిలిచింది. తండ్రీకూతుళ్ల అనుబంధం, ఉత్కంఠభరిత కథనంతో ఈ సిరీస్ ప్రేక్షకులను విశేషంగా ఆకట్టుకుంటోంది.
అక్కినేని నాగచైతన్య, దర్శకుడు కార్తీక్ దండు కాంబోలో ‘వృషకర్మ’ మూవీ తెరకెక్కుతోంది. తాజాగా ఈ మూవీ నుంచి గ్లింప్స్ రిలీజ్కు టైం, వేదిక ఖరారైంది. మార్చి 5న ఉదయం 10 గంటలకు HYDలోని ప్రసాద్ PCX స్క్రీన్ వేదికగా విడుదల కానుంది. ఈ విషయాన్ని తెలుపుతూ మేకర్స్ పోస్టర్ షేర్ చేశారు. ఇక మీనాక్షి చౌదరి ప్రధాన పాత్ర పోషిస్తుండగా.. అజనీష్ లోకనాథ్ మ్యూజిక్ అందిస్తున్నాడు.
నటి స్నేహ తన కెరీర్ ఆరంభంలో ఎదుర్కొన్న ఘోర ప్రమాదం గురించి గుర్తుచేసుకుంది. ‘ఆ ప్రమాదంలో కాళ్లు, చేతులు, వీపుకు తీవ్ర గాయాలవ్వడంతో డాక్టర్స్ 8 నెలలు బెడ్ రెస్ట్ సూచించారు. నా కెరీర్ ముగిసిందనుకున్న తరుణంలో దర్శకుడు కరు పళనియప్పన్ పార్థిబన్ కనవు కథతో కలిశారు. కదలలేని స్థితిలో ఉన్నా ఆయన చూపిన నమ్మకమే నన్ను మళ్లీ వెండితెరకు పరిచయం చేసింది’ అని పేర్కొంది.
➠ ‘విత్ లవ్’- నెట్ఫ్లిక్స్ – మార్చి 6➠ ‘హలో బచ్చో’ – నెట్ఫ్లిక్స్ – మార్చి 6➠ ‘ఓం శాంతి శాంతి శాంతిః’ – ఆహా – మార్చి 4➠ ‘చరిత కామాక్షి’ – ఈటీవీ విన్ – మార్చి 5➠ ‘గాంధీ టాక్స్’ – జీ5 – మార్చి 6➠ ‘సుబేదార్’ – అమెజాన్ ప్రైమ్ -మార్చి 5.
➠’మృత్యుంజయ్’- మార్చి 6➠’సాంప్రదాయిని సుప్పిని సుద్దపూసని’- మార్చి 6➠’మెన్షన్ హౌస్ మల్లేష్’- మార్చి 6➠’సరస్వతి’, ‘కాన: ది ఫారెస్ట్’- మార్చి 6➠’మిషన్ సి 1000′, ‘విధాత’- మార్చి 6➠ప్రభాస్ మున్నా మార్చి 6న రీ-రిలీజ్.
ప్రముఖ నటుడు అనుపమ్ ఖేర్ దర్శకత్వంలో వచ్చిన చిత్రం ‘తన్వి ది గ్రేట్’. ఆటిజంతో బాధపడుతున్న ఒక యువతి, ఆర్మీలో చేరి తన తండ్రి ఆశయాన్ని ఎలా నెరవేర్చింది అనే స్ఫూర్తిదాయక కథాంశంతో ఈ సినిమా తెరకెక్కింది. థియేటర్లలో మంచి ఆదరణ పొందిన ఈ చిత్రం ప్రస్తుతం అమెజాన్ ప్రైమ్ వీడియోలో స్ట్రీమింగ్ అవుతోంది. ఇందులో సుభాంగీ దత్ ప్రధాన పాత్రలో నటించగా.. కీరవాణి సంగీతం అందించాడు.
శ్రద్ధా కపూర్ 2010లో సినీరంగంలోకి వచ్చి, తన నటనతో మంచి గుర్తింపు తెచ్చుకున్నారు. 2024లో వచ్చిన విజయాలతో ఆమె నికర సంపద రూ.130 కోట్లకు చేరింది. ఒక్కో సినిమాకు రూ.10-15 కోట్లు తీసుకుంటూ, బ్రాండ్ ఎండార్స్మెంట్లు, వ్యాపార పెట్టుబడులతో భారీగా ఆర్జిస్తున్నారు. లగ్జరీ కార్లు కలిగి, అధిక పారితోషికం అందుకుంటున్న టాప్ నటీమణులలో ఆమె ఒకరిగా నిలిచారు.
పవన్ కళ్యాణ్, హరీష్ శంకర్ కాంబోలో వస్తున్న ‘ఉస్తాద్ భగత్ సింగ్’ మార్చి 26, 2026న విడుదల కానుంది. ఈ మూవీలో కేవలం 4 పాటలు మాత్రమే ఉన్నాయని, నెక్స్ట్ వచ్చే సాంగ్ భారీ లెవల్లో ఉంటుందని హరీష్ శంకర్ తెలిపాడు. మార్చి 4న ఈ పాటపై అప్డేట్ రానుందని చెప్పాడు. దీంతో ఈ పాట నెక్స్ట్ లెవల్లో ఉంటుందని ఫ్యాన్స్ భావిస్తున్నారు.
మాస్ కా దాస్ విశ్వక్ సేన్ హీరోగా దర్శకుడు అనుదీప్ KV రూపొందించిన ‘ఫంకీ’ సినిమా మిశ్రమ స్పందన తెచ్చుకుంది. తాజాగా ఈ మూవీ OTTలోకి వచ్చేందుకు సిద్ధమైంది. దీని డిజిటల్ రైట్స్ను నెట్ఫ్లిక్స్ సొంతం చేసుకోగా.. మార్చి 12 లేదా 13న స్ట్రీమింగ్ అయ్యే ఛాన్స్ ఉన్నట్లు వార్తలొస్తున్నాయి. కాగా, దీనిపై అధికారిక ప్రకటన రావాల్సి ఉంది.
లావణ్య త్రిపాఠి, దేవ్ మోహన్ ప్రధాన పాత్రల్లో నటించిన ‘సతీ లీలావతి’ చిత్రం వాయిదా పడింది. మార్చి 6, 2026న విడుదల కావాల్సిన ఈ సినిమా సాంకేతిక కారణాల వల్ల ఆలస్యమవుతున్నట్లు మేకర్స్ ప్రకటించారు. ప్రేక్షకుల అంచనాలకు తగ్గట్టుగా.. ఎక్కడా రాజీపడకూడదనే ఉద్దేశంతో ఈ నిర్ణయం తీసుకున్నట్లు తెలిపారు. ఇక ఈ చిత్రాన్ని తాతినేని సత్య తెరకెక్కించగా.. మిక్కీ జే మేయర్ మ్యూజిక్ అందించాడు.
కన్నడ స్టార్ యష్ హీరోగా గీతూ మోహన్దాస్ దర్శకత్వంలో తెరకెక్కుతోన్న మూవీ ‘టాక్సిక్’. ఈ మూవీ పారితోషికం విషయంలో లేడీ సూపర్ స్టార్ నయనతార వార్తల్లో నిలిచింది. తొలుత ఈ ప్రాజెక్ట్ కోసం ఆమె రూ.18 కోట్లు డిమాండ్ చేసినట్లు ప్రచారం జరిగింది. అయితే, నిర్మాతలతో చర్చల తర్వాత రూ.12 కోట్లకు ఆమె అంగీకరించినట్లు సమాచారం. 2026 మార్చి 19న విడుదల కానున్న ఈ సినిమాపై భారీ అంచనాలు ఉన్నాయి.
తన ప్రియుడు మోహనకృష్ణ (45)ను హత్య చేయించిన కేసులో నటి ఊర్వశి బెంగళూరులో అరెస్టయ్యింది. వినయ్ అనే మరో వ్యక్తితో ప్రేమలో పడ్డ ఆమె, పెళ్లికి అడ్డుగా ఉన్నాడనే కారణంతో మోహనకృష్ణను కత్తితో పొడిచి చంపించింది. భర్తకు దూరంగా ఉంటున్న ఊర్వశి పలు కన్నడ చిత్రాల్లో నటించింది. ఈ క్రూరమైన పథకంలో ఆమెకు సహకరించిన వినయ్, మరో యువకుడిని కూడా పోలీసులు అదుపులోకి తీసుకున్నారు.
టాలీవుడ్ ప్రముఖ నటుడు శివాజీ రాజా ఇంట్లో తీవ్ర విషాదం నెలకొంది. ఆయన తండ్రి, బి. రామరాజు(85) కన్నుమూశారు. వయోభారం, అనారోగ్య సమస్యలతో ఇవాళ ఉదయం మధురానగర్లోని తన స్వగృహంలో ఆయన తుదిశ్వాస విడిచారు. ఈ మధ్యాహ్నం 3 గంటలకు జూబ్లీహిల్స్ మహాప్రస్థానంలో రామరాజు అంత్యక్రియలు జరగనున్నాయి. ఆయన మృతి పట్ల పలువురు సినీ ప్రముఖులు సంతాపం వ్యక్తం చేస్తున్నారు.
‘ఉస్తాద్ భగత్ సింగ్’ సినిమా విజయ్ దళపతి ‘తేరి’ మూవీకి రీమేక్ కాదని దర్శకుడు హరీష్ శంకర్ క్లారిటీ ఇచ్చాడు. మొదట రీమేక్గా భావించినా, తర్వాత కథను పూర్తిగా మార్చేశామని స్పష్టం చేశాడు. కథ, మాటలు, దర్శకత్వం తనవే అయినప్పుడు రీమేక్ అనడం సరికాదన్నాడు. ‘గబ్బర్ సింగ్’లోని అంశాలే ‘తేరి’లో కనిపించాయని, ఇప్పుడు తన సినిమానే రీమేక్ అనడంపై ఆయన అసహనం వ్యక్తం ...
