TG: నేటి నుంచి మూడు రోజుల పాటు రాష్ట్రంలో విపరీతమైన ఎండలు ఉంటాయని హైదరాబాద్ వాతావరణ శాఖ హెచ్చరికలు జారీ చేసింది. ఈ నేపథ్యంలో ప్రజలు చాలా అప్రమత్తంగా ఉండాలని వైద్యారోగ్య శాఖ కీలక సూచనలు చేసింది. ఈ మూడు రోజుల పాటు 12PM నుంచి 3pm వరకు అత్యవసరం అయితే తప్ప, బయటకు రావద్దని తెలిపింది. దాహం వేయకపోయినా ప్రజలు తరచూ నీళ్లు తాగాలని స్పష్టం చేసింది.
మనిషి తన జీవితంలో డబ్బు కంటే తన ‘శీలాన్ని’ (క్యారెక్టర్) జాగ్రత్తగా కాపాడుకోవాలని విదురుడు బోధించారు. ధనం ఈరోజు వస్తుంది, రేపు పోతుంది.. పోయిన డబ్బును మళ్లీ కష్టపడి సంపాదించుకోవచ్చు. కానీ ఒకసారి చేజారిన నడవడిక, పోయిన పరువు మళ్లీ తిరిగి రావు. డబ్బు లేనివాడు ఎప్పటికీ పేదవాడు కాదు, కానీ వ్యక్తిత్వాన్ని కోల్పోయినవాడు జీవితంలో సర్వస్వం కోల్పోయినట్టే లెక్క అని విదురుడు చెప్పారు.
TG: స్నానం చేయడం అనేది కేవలం ఒంటిని శుభ్రం చేసుకోవడమే కాదు, మన దేశంలో స్నానానికి ఒక పవిత్రమైన స్థానం ఉంది. పురాణాల ప్రకారం ఉదయాన్నే స్నానం చేయడం వల్ల మనస్సు ప్రశాంతంగా మారుతుందని నమ్ముతాం. దీనికి తోడు భారత్ ఒక ఉష్ణమండల దేశం. రాత్రి నిద్రలో మనకు విపరీతంగా చెమట పడుతుంది. అందుకే ఉదయాన్నే స్నానం చేయడం వల్ల అలసట పోయి, రోజంతా ఉత్సాహంగా ఉండటానికి వీలవుతుంది.
తగినంత నీరు తాగడం ఆరోగ్యానికి అత్యవసరం. ఒక వ్యక్తి రోజుకు సగటున 3-4 లీటర్ల నీరు తాగాలి. వేసవీలో శరీరం త్వరగా డీహైడ్రేషన్కు గురయ్యే ప్రమాదముంటుంది. నీరు తక్కువైతే అలసట, తలనొప్పి వస్తాయి. పని ఒత్తిడిలో మర్చిపోకుండా ఉండటానికి వాటర్ బాటిల్ ఎప్పుడూ కంటికి కనిపించేలా ఉంచుకోండి. తాగాలనిపించకపోయినా తరచూ కొన్ని నీళ్లు తాగండి. ఇప్పుడే ఒక చిన్న సిప్ వేయండి.
వేసవికాలంలో తాటిముంజలు తినడం వల్ల అనేక లాభాలు ఉన్నాయి. ఈ ముంజలు శరీరానికి చల్లదనాన్ని ఇవ్వడంతోపాటు.. వడదెబ్బ, డీహైడ్రేషన్ నుంచి బయటపడేస్తాయి. ముంజల్లో ఫైబర్, ప్రోటీన్, విటమిన్ ఎ, సి, ఇ, కె లతో పాటు ఐరన్, ఫాస్పరస్, పొటాషియం వంటి పోషకాలు ఉంటాయి.
వేసవిలో ఎండ తీవ్రత వల్ల డీహైడ్రేషన్కు గురయ్యే ప్రమాదముంది. చెమట ద్వారా శరీరం నుంచి నీరు, లవణాలు తగ్గి అలసట, నీరసం, తలతిరగడం, తీవ్రమైన దాహం వంటి సమస్యలు కలుగుతాయి. ఈ సమస్యలను నివారించడానికి తగినంత నీరు, కొబ్బరి నీళ్లు తాగడం చాలా ముఖ్యం. వీటితో పాటు పుచ్చకాయ జ్యూస్, మామిడి జ్యూస్, నిమ్మరసం, మజ్జిగ, నారింజ జ్యూస్, దానిమ్మ జ్యూస్ తాగాలని వైద్యులు సూచిస్తున్నారు.
ప్రస్తుతం ఇయర్ ఫోన్స్ను ఎక్కువగా వాడుతున్నారు. దీంతో కొన్ని అనారోగ్య పరిస్థితులను ఎదుర్కోవాల్సి వస్తుందని నిపుణులు చెబుతున్నారు. వినికిడి శక్తి తగ్గే ప్రమాదం ఉందని.. చెవిలో నిరంతరం లాగుతున్నట్టు, మోగుతున్నట్టు లేదా ఏదో తెలియని శబ్దం వినబడినట్టు ఉంటుందట.
కొందరు మట్టి, కాగితం లేదా సుద్ద వంటివి తింటుంటారు. ఈ వింత కోరికను ‘పికా’ అనే రుగ్మతగా వైద్యులు చెబుతారు. శరీరంలో ఐరన్ లోపం వల్లనే ఇలాంటి అలవాటు ఏర్పడుతుందని, ఇలాంటి లక్షణాలు ఉన్నవారు వెంటనే రక్త పరీక్ష చేయించుకోవాలని అంటున్నారు. అలాగే, సరైన పోషకాహారం తీసుకోవడం ద్వారా ఈ సమస్యను సులభంగా అధిగమించవచ్చని నిపుణులు సూచిస్తున్నారు.
అక్యూపంక్చర్ ఓ పురాతన చైనీస్ చికిత్సా విధానం. శరీరంలోని నిర్దిష్ట పాయింట్ల వద్ద సన్నని సూదులను ఉంచడం ద్వారా శరీర శక్తిని(Qi) క్రమబద్ధీకరిస్తారు. దీనివల్ల దీర్ఘకాలిక నొప్పులు (కీళ్లు, వెన్ను, మెడ), తీవ్రమైన ఒత్తిడి, మైగ్రేన్ సమస్యలు తగ్గుతాయి. రక్త ప్రసరణ మెరుగుపడి, నిద్రలేమి సమస్య దూరమవుతుంది. ఇది ఎటువంటి మందులు లేకుండా సహజంగా రోగనిరోధక శక్తిని పెంచే సురక్షితమైన పద్ధతి.
టమాటాలు తింటే కిడ్నీలో రాళ్లు వస్తాయని చాలా మంది భయపడుతుంటారు. అయితే ఇందులో ఆక్సలేట్ల కారణంగా పరిమితంగా తిన్నంత వరకూ ఎలాంటి ప్రమాదం లేదు. పైగా టమాటాల్లో ఆరోగ్యానికి మేలు చేసే పోషకాలు పుష్కలంగా ఉన్నాయి. కాగా ఆక్సలేట్లు శరీరంలోని క్యాల్షియంతో కలిస్తే క్రిస్టల్స్ ఏర్పడతాయి. మూత్రపిండాలు రక్తాన్ని వడపోసే క్రమంలో ఈ క్రిస్టల్స్ రాళ్లుగా మారి అక్కడే ఉండిపోతాయి.
కప్పింగ్ థెరపీ అనేది ఒక పురాతన ప్రత్యామ్నాయ వైద్య విధానం. ఇందులో చర్మంపై ప్రత్యేక కప్పులను ఉంచి ‘సక్షన్’ సృష్టిస్తారు. దీనివల్ల రక్త ప్రసరణ మెరుగుపడి కండరాల నొప్పులు, వాపులు తగ్గుతాయి. క్రీడాకారులు శారీరక దృఢత్వం కోసం దీనిని ఎక్కువగా ఆశ్రయిస్తుంటారు. ఇది శరీరంలోని విషతుల్యాలను తొలగిస్తుంది. ఇందులో డ్రై, వెట్ (హిజామా) అనే రెండు పద్ధతులు ప్రాచుర్యంలో ఉన్నాయి.
జీవితంలో అప్పు, అగ్ని, శత్రువు, వ్యాధి.. ఈ నాలుగింటిని సగం వదిలేయకూడదని, పూర్తిగా నిర్మూలించాలని విదురుడు హెచ్చరించాడు. వీటిలో ఏ కొద్ది భాగం మిగిలినా మళ్లీ విజృంభిస్తాయి. అప్పు వడ్డీతో పెరుగుతుంది, నిప్పు రాజుకుంటుంది, శత్రువు పగ తీర్చుకుంటాడు, వ్యాధి ప్రాణాలు తీస్తుంది. కాబట్టి ఈ నాలుగింటిని ఎప్పుడూ సమూలంగా నాశనం చేయాలని విదుర నీతి సారాంశం.
ఆయుర్వేదంలో ‘అమృతవల్లి’గా పిలిచే తిప్పతీగ కషాయం తాగడం వల్ల రోగనిరోధక శక్తి అద్భుతంగా పెరుగుతుంది. ఇది దీర్ఘకాలిక జ్వరాలను తగ్గించడమే కాకుండా, రక్తంలో చక్కెర స్థాయిలను నియంత్రిస్తూ డయాబెటిస్ బాధితులకు మేలు చేస్తుంది. జీర్ణక్రియను మెరుగుపరుస్తుంది, ఒత్తిడిని తగ్గిస్తుంది. ప్రతిరోజూ మితంగా తీసుకుంటే కీళ్ల నొప్పుల నుంచి ఉపశమనం లభించడంతో పాటు రక్తం కూడా శుద్ధి అవుతుంది.
ఉదయం ఆరోగ్యకరమైన అల్పాహారం తీసుకోవడం వల్ల రోజంతా శక్తి, మెరుగైన జ్ఞాపకశక్తి, స్థిరమైన జీవక్రియ లభిస్తాయి. ఇది బరువు నియంత్రణలో ఉంచడమే కాకుండా, గుండె జబ్బులు, మధుమేహం ప్రమాదాన్ని తగ్గిస్తుంది. ఉదయం 8 గంటలలోపు అల్పాహారం చేయడం వల్ల ఆరోగ్య ప్రయోజనాలు అధికంగా ఉంటాయి. 8 నుంచి 10 గంటలలోపు ప్రోటీన్, ఫైబర్ ఎక్కువగా ఉండే ఆహారాన్ని (ఇడ్లీ, మొలకలు, గుడ్లు, ఓట్స్) తీసుకోవడం చాలా ఉత్తమం.
కటిచక్రాసనం (నడుము తిప్పే ఆసనం) వెన్నెముక వశ్యతను పెంచడం, నడుమునొప్పిని తగ్గించడంలో అద్భుతంగా పనిచేస్తుంది. ఉదర అవయవాలను మసాజ్ చేయడం ద్వారా జీర్ణక్రియను మెరుగుపరుస్తుంది. మలబద్ధకాన్ని నివారిస్తుంది. నడుము చుట్టూ ఉన్న కండరాలను టోన్ చేయడం, కొవ్వును తగ్గించడంలో సహాయపడుతుంది. ఉదయం పూట ఈ ఆసనం చేయడం వల్ల ఒత్తిడి, ఆందోళన తగ్గుతాయి. పిల్లల ఎత్తు పెరగడానికి సహాయపడుతుంది.
