జెన్‌ మొబిలిటీ కంపెనీ జెన్‌ మైక్రో పాడ్‌ పేరుతో కార్గో ఎలక్ట్రిక్ త్రీ వీలర్‌ను లాంచ్‌ చేసింది. గురుగ్రామ్‌కు చెందిన ఈవీ స్టార్టప్‌ కంపెనీ అయిన జెన్‌ మొబిలిటీ ఈ వాహనాన్ని అనేక రెంటల్‌, లీజింగ్‌ సంస్థలతోపాటు థర్డ్‌పార్టీ లాజిస్టిక్స్‌ ప్రొవైడర్లతో కలిసి రూపొందించింది. లీజు రకాన్ని బట్టి వారికి వాహనాన్ని నెలకు రూ.9,999 అద్దెపై అందించనున్నది. ఈ వాహనం దాదాపు 150 కేజీల బరువును మోస్తుందట.
చదవండి: Hathavidi: ధనుష్ పాడిన “హతవిది” లిరికల్ వీడియో సాంగ్ రిలీజ్
దీనికి కరెంట్ ఛార్జ్ కూడా ఎక్కువ అవసరం లేదట. కేవలం నాలుగు యూనిట్ల కరెంటును మాత్రమే వినియోగించుకొంటుంది. ఒక్కసారి ఛార్జింగ్ పెడితే దాదాపు 120 కిలోమటర్ల వరకు ప్రయాణించవచ్చట. ఈ వాహనం ఆర్‌5ఎక్స్‌, ఆర్‌10ఎక్స్‌ అనే రెండు వేరియంట్లలో లభిస్తుంది. దీనికంటూ స్పెషల్ గా కార్గోబాక్స్‌ కూడా ఉంటుంది. ఇందులో షెల్ఫ్‌లు, రిఫ్రిజిరేటర్‌ బాక్స్‌లు, ఓపెన్‌ టబ్‌లు ఉంటాయి. దీన్ని అవసరానికి తగ్గట్టు కస్టమైజ్‌ చేయించుకోవచ్చు.
