ప్రముఖ ఆటోమొబైల్‌ మహీంద్రా అండ్ మహీంద్రా ఎక్స్‌యూవీ (Mahindra XUV) కంపెనీ భారీ సంఖ్యలో వాహనాలను రీకాల్ చేస్తోంది. XUV 700 మోడల్‌కు చెందిన లక్ష యూనిట్లను వెనక్కి రప్పిస్తున్నట్లు తెలిపింది. వాహనంలో వైరింగ్‌ విషయంలో లోపాలు గుర్తించామని, తగు మార్పులు చేసి వినియోగదారుల(Consumers)కు తిరిగి అప్పగిస్తామని తన రెగ్యులేటరీ ఫైలింగ్‌లో కంపెనీ తెలిపింది. 2021 జూన్‌ 8 నుంచి 2023 జూన్‌ 28 మధ్య తయారైన 1,08,306 యూనిట్ల కార్లలోని ఇంజన్‌ బేలో వైరింగ్‌ లూమ్‌ రూటింగ్‌లోని లోపాల కారణంగా సమస్యలు తలెత్తే అవకాశాలున్నట్లు గుర్తించామని మహీంద్రా తెలిపింది.దీంతో పాటు కొన్ని ఎక్స్‌యూవీ 400 (XUV400) ఎస్‌యూవీలను సైతం రీకాల్ చేస్తున్నట్లు ప్రకటించింది.
చదవండి :నోబెల్ రికార్డ్ సాధించిన 8 నెలల చిన్నారి..పాప ట్యాలెంట్‌కు ఫిదా
2023 ఫిబ్రవరి 16 నుంచి 2023 జూన్‌ 5 మధ్య తయారైన 3,560 యూనిట్లను ఈ విధంగా వెనక్కి రప్పిస్తున్నట్లు మహీంద్రా పేర్కొంది. ఎక్స్‌యూవీ 400 వాహనాల్లో బ్రేక్ పొటెన్షియోమీటర్‌లో స్ప్రింగ్ రిటర్న్‌ (Spring Return) యాక్షన్‌లో లోపాలు ఉండే అవకాశం ఉందని పేర్కొంది. దీంతో ఈ కార్లు కొనుగోలు చేసిన కస్టమర్లకు ఎలాంటి రుసుమూ లేకుండానే మరమ్మతులు చేసి ఇస్తామని పేర్కొంది. స్వచ్ఛందంగానే రీకాల్ చేపడుతున్నామని, కార్ల యజమానులకు వ్యక్తిగతంగానూ సమాచారం అందుతుందని పేర్కొంది.ఇటీవల మారుతీ సుజుకీ (Maruti Suzuki)ఇండియా కూడా పెద్ద ఎత్తున కార్లను రీకాల్ చేసింది.
చదవండి : ఉద్యోగ రత్న అవార్డు’తో రతన్ టాటాను సత్కరించిన మహారాష్ట్ర ప్రభుత్వం
తన ఎస్‌-ప్రెస్సో (S-Presso), ఈకో (Eeco) మోడళ్లకు చెందిన 87,599 యూనిట్ల వాహనాలను వెనక్కి రప్పించింది. స్టీరింగ్‌ టై రాడ్‌లో లోపాన్ని సరిచేయటానికి ఈ రీకాల్‌ను సంస్థ చేపట్టింది. ప్రొపెల్లర్ షాఫ్ట్ సమస్య కారణంగా మహీంద్ర ఎక్స్‌ యూవీ 700 కార్లను ఇటీవల రీకాల్ చేసిన సంగతి తెలిసిందే.రియర్ వీల్ కాయిల్ స్ప్రింగ్‌ల ప్రస్తుత ప్లేస్‌మెంట్‌లో ఉన్న సమస్యల కారణంగా మహీంద్ర ఈ రీకాల్ చేసినట్లు తెలుస్తోంది. XUV700 AWDలోని వెనుక చక్రాల కాయిల్ స్ప్రింగ్‌లు ప్రతి స్ప్రింగ్‌లో 9 రౌండ్ కాయిల్స్ ఉండేలా మార్పులు చేసింది. అయితే 9 కి బదులుగా 8 రౌండ్ కాయిల్స్ ఉంటే, ఆ కార్లను కొత్త స్ప్రింగ్‌లతో భర్తీ చేసేందుకు సమీపంలోని సర్వీస్ సెంటర్‌లో సంప్రదించాలని మహీంద్ర కోరినట్టు తెలుస్తోంది.
చదవండి : Emotional post : అనసూయకు ఏమైంది.. ఏడుస్తూ ఎమోషనల్ పోస్ట్ ఇదిగో వీడియో
