మార్కెట్లోకి అద్భుతమైన టెక్నాలజీ(Technology) యంత్రాలు వచ్చేస్తున్నాయి. నూతన ఆవిష్కరణలకు వ్యాపార రంగం పెద్దపీట వేస్తోంది. రోజురోజుకూ టెక్నాలజీ కొత్త పుంతలు తొక్కుతున్న తరుణంలో డ్రైవర్ లేని కారు త్వరలోనే అందరికీ అందుబాటులోకి రానుంది. తాజాగా ఈ కారు బెంగళూరు సిటీ రోడ్ల (Bengaluru city Roads)పై తిరుగుతున్న వీడియో సోషల్ మీడియాలో వైరల్ (Video Viral) అవుతోంది. ఆ కారును చూసి స్థానికులు ఆశ్చర్యపోతున్నారు.
బెంగళూరులో రోడ్డుపై తిరుగుతున్న డ్రైవర్ లేని కారు వీడియో:
On the streets of Bengaluru. @peakbengaluru pic.twitter.com/VtahXpa6Mh
— anirudh ravishankar (@anrdh89) July 22, 2023
అనిరుధ్ రవిశంకర్ అనే ట్విట్టర్ యూజర్ (anirudh ravishankar) డ్రైవర్ లేని కారు వీడియోను షేర్ చేశారు. బెంగళూరు రోడ్లపై డ్రైవర్ లేని కారు తిరుగుతుంటే స్ధానికులు వింతగా చూస్తున్నారు. ఆ కారును చూస్తుంటే హాలీవుడ్ సైన్స్ ఫిక్షన్ సినిమాలోని వాహనంలా కనిపిస్తోందని చర్చించుకుంటున్నారు. ‘బెంగళూరు వీధుల్లో’ అంటూ అనిరుధ్ రవిశంకర్ కారు వీడియోను షేర్ చేశారు. దీనిపై నెటిజన్లు రీట్వీట్స్ చేస్తున్నారు.
చదవండి: Video Viral: తాగి పడుకున్నాడు..చొక్కాలో సెటిల్ అయిన నాగుపాము!
‘ఇండియన్ సైబర్ ట్రక్’ అని ఈ కారుకు పేరు. ‘ఇది 27వ ప్రధాన రహదారి లేన్‌లో కనిపించిందని, దీనిని పరీక్షిస్తున్నారని’ పలువురు నెట్టింట కామెంట్లు చేస్తున్నారు. zPod అనేది సెల్ఫ్ డ్రైవింగ్ కారును బెంగళూరులోని ఒక అటానమస్ మొబిలిటీ స్టార్టప్ అయిన మైనస్ జీరో సిద్ధం చేస్తోందని, అయితే ఇది ఇంకా ప్రయోగ దశలో ఉన్నట్లు సమాచారం. త్వరలోనే ఈ కారు అందరికీ అందుబాటులోకి రానుంది.
