మద్యం మత్తు(Drinkers)లో ఎలా ప్రవర్తిస్తారో అందరికీ తెలిసిందే. అయితే కొందరు అతిగా తాగితే మాత్రం ఎక్కడపడితే అక్కడ పడుకుండిపోతారు. మత్తు దిగే వరకూ వారెక్కడున్నారో కూడా పట్టించుకోరు. పీకలదాకా తాగి ఇంటికే వెళ్లరు. దానివల్ల వారు అనేక ఇబ్బందులు ఎదుర్కోవాల్సి వస్తుంది. తాజాగా ఇలాంటి ఘటనే ఒకటి చోటుచేసుకుంది.
వైరల్ అవుతోన్న వీడియో:
Go straight to home after drinking. Don't become a resting place for snakes. pic.twitter.com/I3wneTsLbZ
— Venkat Madala (@venky4a) July 26, 2023
ఓ వ్యక్తి అతిగా తాగి అటవీ ప్రాంతంలో పడుకుండిపోయాడు. ఆ వ్యక్తికి మద్యం మత్తు తగ్గే సరికి అతని చొక్కాలో పాము(snake) సెటిల్ అయ్యింది. బుసలు కొడుతున్న ఆ వ్యక్తి చొక్కాలోని పామును చూసి అక్కడున్నవారంతా షాక్ అయ్యారు. మద్యం మత్తులోని ఆ వ్యక్తి దిమ్మతిరిగిపోయింది. మత్తు వదిలి తన ప్రాణాలను అరచేతిలో పెట్టుకున్నాడు.
చదవండి: Rain Effect: 790 కుటుంబాలు సురక్షిత ప్రాంతాలకు తరలింపు
కొందరు వ్యక్తులు అటుగా వెళ్లడంతో వారి సహాయాన్ని కోరాడు. వారు జాగ్రత్తగా అతని చొక్కా బటన్లను తీసి పామును బయటకు పంపేలా చేశారు. దాంతో ఆ వ్యక్తి ప్రాణాలను దక్కించుకున్నాడు. ఇదంతా జరిగిన తర్వాత ఆ వ్యక్తి తన చొక్కాలోకి పాము ఎలా వచ్చిందంటూ ప్రశ్నించాడు. ఈ ఘటన ఏ ప్రాంతంలో జరిగిందో తెలియకపోయినా ప్రస్తుతం ఈ వీడియో సోషల్ మీడియాలో వైరల్ అవుతోంది.
